[Unicode]
လီက အပ်ချည်ကြိုးအသစ်တစ်ခုကို ဆွဲလိုက်ပြီးနောက် တစ်ယောက်ယောက်က သူ့ကိုစိုက်ကြည့်နေတယ်ဆိုတာကို သတိထားမိသွားသည်။ သူမကသူ့ကိုကြည့်နေမယ်လို့တော့ မထင်ထားခဲ့ပေ။
သူ့မျက်လုံးတွေက လီမန်နှင့်အကြည့်ချင်းဆုံသွားပြီးနောက် သူ့လုပ်နေတာကိုရပ်လိုက်၏။ သူကချက်ချင်းပင် သူ့နှုတ်ခမ်းဖျားတွေကွေးတက်သွားသည်အထိ နူးညံ့စွာပြုံးပြလိုက်ပြီး
" တကယ်တော့ လက်အိတ်စွပ်ထားရင် အဲ့လောက်ကြီးလည်းမခက်ပါဘူး၊ အားစိုက်ရတာပိုလွယ်ပြီး အလွယ်တကူအနာတရမဖြစ်တော့ဘူးပေါ့ "
သူက ရှင်းပြပြီးတာနဲ့ အပ်ကိုင်ထားတဲ့ သူ့လက်တွေကိုလည်း မြှောက်ပြလိုက်ပြီး သူမကိုပြလိုက်၏။
လီမိသားစုမှာရှိတဲ့ အမျိုးသားတွေရဲ့ မျက်လုံးတွေက အတော်ကိုလှသည်။ အထူးသဖြင့် ဒီကောင်လေးအတွက်ဆိုပိုမှန်သည်။ သူ့မျက်လုံးတွေက ကြည်လင်သန့်ရှင်းကာ နွေးထွေးပုံပေါ်ပြီး ကောင်းကင်ကြီးနဲ့ပင်တူသေး၏။
ထိုကဲ့သို့မျက်လုံးတစ်စုံဖြင့် ကြည့်ခံလိုက်ရချိန်တွင် လီမန့်မျက်နှာပင်ပူလာပြီး အပြစ်ရှိစိတ်လေးပင်ဝင်လာသည်။
" အမ်း.. အဲ့တာ, နောက်တောင်ကျနေပြီ ကျွန်မညစာသွားချက်လိုက်အုံးမယ်! "
ထိုသို့ပြောပြီးတာနဲ့ သူမကလှည့်ကာထွက်ပြေးသွားတော့လေသည်။လီက သူ့မျက်လုံးထဲတွင် သံသယအရိပ်အယောင်များ ဖြတ်ပြေးသွားပြီး ရှောင်းဝူကိုပြောလိုက်၏။
" သွား! သူမနဲ့သွားနေ "
သူမရဲ့ လေယူလေသိမ်းက ကျင်းချန်ကလူတွေနဲ့တူပြီး ခပ်ဝိုင်းဝိုင်းမျက်နှာ၊ မျက်လုံးကြီးကြီး(*မျက်ပေါက်ကျယ်တာ)၊ မျက်တောင်ရှည်များ၊ မျက်ဝန်းတောက်တောက်များနှင့် လှပတဲ့အသွင်အပြင်ရှိသည်။
အသားအရည်က နူးညံ့ပြီး ဆံပင်တွေကနှင်းလိုဖြူကာ*(white hair တဲ့ ငွေမှင်ရောင်လားမသိဘူး TvT အဖြူကြီးလို့မတွေးဘဲ ငွေမှင်ရောင်လို့ပဲတွေးလိုက်ပါနော် သူကတော့ နှင်းလိုဖြူတာတဲ့) လက်ဆယ်ချောင်းတို့သည် သိမ်မွေ့နူးညံ့ပြီး အလုပ်ကြမ်းများလုပ်ထားသည့်ပုံမပေါ်ပေ။
YOU ARE READING
ကံကောင်းသော ဇနီးသည်
RandomStatus - 382 (completed) Gentre - Fantasy, Normal, Harem, Slice of life, Romance, Mature