Author's Note:
Special update! Para sa BUWAN NG WIKA! kaya naisip ko ang tula na inyong mababasa sa baba :) Napagkatuwaan ko lamang isulat pero sana magustuhan nyo. Makata ang peg ko ngayong buwan na ito kaya mas lalo akong matutuwa kung pakikisamahan nyo ako kapag nagcomment kayo sa baba! wahahaha! :)))
Isa lang ito sa tula na koleksyon ko na nabura ko sa usb ko :( Sana maretrieve ko yung iba. Nanghihinayang kasi ako sa mga nasulat ko na. Huhuhuhu. Buti na lang naitago ko ang orihinal na kopya na 'to kaya naipost ko rito! (hallelujah!)
Sige, humayo kayo't magparami!-- este, sige kayo na't magbasa! xD
Muli, MALIGAYANG BUWAN NG WIKA SA LAHAT! \(^O^)/
***
Sa Mata ng Balatkayong Bata
by G.J.Dion
Ako ay isang ibong malaya
Sa himpapawid lumilipad, nagmamasid
Puso'y kawangis, kaalama'y pasasa
Huwag padadaig sa balatkayong bata
Bulong ng hangin aki'y naririnig
Daplis nito'y iniluluhog sa aking isip, damdamin at sa tinig
Nagbibingi-bingihan karamiha'y sa atin
Ibahin itong batang 'di padadaig.
Ating kultura dahan daha'y nababakli
Musika na sariling ati'y lumuluhog sa iyong pandinig
Kung letra at tinig ay mayroong mga labi
Nota ng musika luluha ng walang pasabi
Papel na sinulatan nabura dahil sa pigta
Ng luha ng musika na iyong kinaligta
Oo nga't tayo'y nabibilib sa kanilang kariktan
Mukha ng perlas at dyamante na iyong minamahal
Ngunit sila lamang ay dayo sa lupang tinubuan
Tatanda't maglalaho, lilipas ng 'di kilalang lubusan
Isla'y talinhaga, yaman ay kay sagana
Makinig sa tinig na kay rikit
Iba't ibang musika't kultura sa iyong bayang sawi.
Tinig ay 'di mawari, isinasapuso ang bawat himig
Away, sagutan, tawag sa sariling baya'y makaluma
Bulag sa mayumi't kariktan sa ibang bayang sinasamba.
Ating bilangin wika na sa atin
Dalawang opisyal, diyalekto't sa tribo
Ibang lahi sa ati'y hanga, limampu ang ating salita.
Isipa'y napapaisip, ideya'y umaalpas
Sa humigit limampung inang salita
Ilan ang iyong alam?
Tenga'y nabibingi, pagguho ng lupa sa ating bayan
Nakisabay sa aking hikbi
Nag-aaral, nagsasalita, nagpupumilit
Sa ibang lahing salita na iyong kinabibilib.
Kapag sarado ang isip,
Katawa'y sariling piitan
Salat sa pang-unawa't impormasyon
Uhaw sa aral ng buhay
Marahil hindi nila pansin
Ngunit ibahin ang balatkayong batang 'di padadaig
Pilipino ka pa rin ba sa puso't isip?
O tanging sa isip na lamang
Pagkat sa puso'y iba na ang nananaig?
(07.29.13)
YOU ARE READING
Listen To My Heart
Action(The Second Installment of G-Clef Song Trilogy) Ang hirap mamili lalo na kung puso mo na mismo ang nakataya. Mahal mo sya, mahal ka nya. Pero bakit ang puso tila may isinisigaw pang iba? (Prologue link is on my profile) Copyright © 2013 by Wistfulpr...
