Ang ibigin ka ay aking pinili, walang nagtulak sa akin na sa iyo'y manatili.
Kaya naman hindi ko pinagsisisihan ang bawat sandali, sapagka't sa puso ko ikaw lang ang natatangi.Masasayang araw sa atin ay nanatili. Ngiti na nagpapakita ng maaliwalas na bahaghari.
Walang hanggang araw ay ang aking minimithi, sapagka't nais kong huwag ng umalis at manatili.Ngunit ang buhay na ito ay may hangganan, at kung dumating man ang huling hininga ay nais kong sa'yo pa rin tumahan, sapagka't tapat ang aking pagmamahal.
Kamatayan man ang magiging katapusan, datapuwa't ang pag-ibig ko ay magpakailanman.
Ikaw na natatanging nilalang, nawa'y sa kabilang mundo ay maalala kong ikaw lang ang aking minahal.
BINABASA MO ANG
Love's Tapestry: Weaving Words of Romance
PoetryThis is a collection of poems written by Jcena Mortiff that revolves around various forms of love. These words long to break free, the letters yearn for liberation, all gathered from the depths of the author's heart and mind. They are assembled here...