Bawat salita ay nais kong itugma, ngunit ang Ikaw at Ako ay hindi yata akma.
Kung ang bawat pag-ulan ay may dalang baha, ang bawat sakit ay may dalang luha.
Sa bawat sakit na walang tila, lalong humahapdi sa tuwing siya'y nakikita.
Maaaring sa akin ay hindi ka na masaya, sapagka't nahanap mo na ang kasiyahan sa iba.
Nais kong ipaalala sayo ang mga matatamis mong salita, ngunit hindi ko na yata magagawa, sapagka't pati ang ipinangako mo sa akin ay sa iba mo na ginagawa.
Pinilit kong kalimutan ka ngunit hindi ko kaya, dahil sa likod ng sakit ay saya, na nanatili pa rin na nakatago sa puso't ala-ala.
Pinili mo siya, sapagkat mahal mo na siya, ngunit paano naman ako na mahal ka?
Ganoon lang ba kadaling balewalain ang matagal nating pinagsamahan, na magagawa mong kalimutan sa sandaling kasiyahan?
Nais kong maging masaya ka, ngunit bakit sa piling pa ng iba?
Hindi naman kita kinulong para naisin mong lumaya. Sapat din naman ang binigay ko para ika'y lumigaya.
Ngunit alam ko na kahit anong pilit ko, aalis at aalis ka pa rin sa piling ko, lalo na kung ang damdamin mo ay hindi kasing lalim ng pag-ibig ko.
Wag mo na sana itong isisi kay tadhana na sasabihin mong maaaring hindi lang tayo ang nakatakda, dahil unang-una ay ikaw ang nagpasya na iiwan ako para sa kanya.
DU LIEST GERADE
Love's Tapestry: Weaving Words of Romance
PoesieThis is a collection of poems written by Jcena Mortiff that revolves around various forms of love. These words long to break free, the letters yearn for liberation, all gathered from the depths of the author's heart and mind. They are assembled here...
