မိခင်တစ်ယောက်ရဲ့ ရင်ထဲက စကားသံများ

ကိုလာလေးပျော်ရွှင်ရင်ကျွန်မလည်းပျော်ရွှင်တယ်

Unicode

ကျန်းမားမားရဲ့ (၅-၁၀-၂၃) "ကိုလာလေးပျော်ရွှင်ရင်ကျွန်မလည်းပျော်ရွှင်တယ်" ဆိုတဲ့ ဆောင်းပါးလေးကို ကောက်နှုတ်မျှဝေလိုက်ပါတယ်။

ဒီနေ့က ကျွန်မအတွက်တော့ အမှတ်ရဖွယ်နေ့လေးတစ်နေ့ဖြစ်ပါတယ်။ အောက်တိုဘာလ ၅- ရက်နေ့ ကိုလာလေးရဲ့ ဒုတိယမြောက်မွေးနေ့လေးဖြစ်ပါတယ်။ ပျော်ရွှင်စရာမွေးနေ့လေးဖြစ်ပါစေ ကိုလာလေးရေ~

"ကိုလာ"ဆိုတဲ့ နာမည်ကို ကျွန်မအရမ်းကြိုက်တယ်  "ချစ်စရာကောင်းတယ်"  "ပျော်စရာကောင်းတယ်"    ချစ်စရာကောင်းခြင်း ပျော်ရွှင်ခြင်းဆိုတာ နှစ်မျိုးစလုံးကို လိုက်လျောညီထွေဖြစ်စေတဲ့ ပျော်ရွှင်မှုတစ်ခုလို့ ပြောစရာမလိုအောင် "ကိုလာ" က အမြဲပျော်ရွှင်နိုင်ပါစေလို့ မျှော်လင့်ပြီး "ကိုလာ" ရဲ့ ပျော်ရွှင်မှုတွေက ကျွန်မရဲ့ နှလုံးသားထဲကို "ရောင်ပြန်ဟပ်" စေမှာဖြစ်ပြီး ချစ်ခြင်းမေတ္တာနဲ့ ပျော်ရွှင်မှုကိုလည်း ပိုခံစားရစေမှာပါ။  ဒီလို လှပတဲ့နေ့ရက်မှာ ကျွန်မပြောချင်တာက "ကိုလာ" မင်းရဲ့ပျော်ရွှင်မှုအတွက် ငါလည်းပျော်ပါတယ်။

ကျွန်မမှတ်မိနေသေးတယ်။ ၂၀၂၁-ခုနှစ် ဒီဇင်ဘာလ ၂၄-ရက်နေ့ (လွန်ခဲ့တဲ့ ၂-နှစ်နီးပါးက ခရစ္စမတ်အကြိုည)  ည ၁၁-နာရီကျော်လောက်မှာ အိမ်ပြန်နောက်ကျတဲ့ ဒေါ် လေးအတွက် ကျွန်မတံခါးဖွင့်လိုက်တော့ သူမရင်ခွင်ထဲမှာ အသက် နှစ်လကျော်လောက်ရှိတဲ့ ကြောင်ကလေးတစ်ကောင်က  ခေါင်းလေးကို မော့ထားပြီး သူ့ရဲ့ လှပတဲ့မျက်လုံးတွေက စူးစမ်းချင်စိတ်တွေအပြည့်နဲ့ ကျွန်မကို စိုက်ကြည့်နေတယ်။  ဒေါ် လေးက ကျွန်မ အိမ်မွေးတိရိစ္ဆာန်တွေကို မွေးမြူစောင့်ရှောက်ရတာ စိတ်မဝင်စားဘူးဆိုတာကိုသိထား‌တော့ "သူ့ကိုမွေးမြူချင်လား" လို့ကျွန်မကို မေးပါတယ်။

သားက တစ်ချိန်တုန်းက "လုဖေး" ကို မွေးမြူစောင့်ရှောက်ဖို့အတွက် ကျွန်မကိုတောင်းဆိုခဲ့ပေမယ့် ကျွန်မက မဆိုင်းမတွ ငြင်းဆိုခဲ့ပါတယ်။

"မင်း ကိုယ့်ကိုကိုယ်တောင် ကောင်းကောင်း မစောင့်ရှောက်နိုင်တာ အိမ်မွေးတိရစ္ဆာန်တစ်ကောင်ကို ဘယ်လိုမွေးမြူစောင့်ရှောက်နိုင်မှာလဲ" လို့ကျွန်မသားကို ပြောခဲ့ပါတယ်။