ANG HALIMAW
Nandiyan siya sa madilim na sulok ng iyong kwarto
Na tila parang kumukuha ng tyempo
Pakiwari mo'y hindi ito sino kundi ano
Sa kaniyang mga mata, kita mo ang gutom at pagkasabik
Pilit na iyong iniisip na sana ang iyong mga magulang ay magbalik
Dahil sa madilim na sulok na yun ay may halimaw na nagtatago
Tumayo ka man o gumalaw hindi ka makakakibo
Tila parang naparalisa na ang iyong katawan mula paa hanggang ulo
Tanging mata na lang ang magtuturo
Kung ano ang itsura ng halimaw na ito
Sa pagikot mo ng iyong mata bigla na lang ito nawala na parang bula
Hindi mo malaman kung saan ito nagpunta
Nang mas lalo pang dumilim at nawala ang sinag ng buwan
Na tanging ilaw na sa iyo'y maggagabay
At iyong narinig ang ingay ng sirena ng kotse ng mga pulis
Ang tibok ng iyong puso ay bumilis
Nang pagbukas ng ilaw tumambad sa iyo ang salamin
Duguan siya at may hawak na kutsilyo na tila isang salarin
Ipinapakita na ang itsura ng halimaw
At yun ay ikaw
YOU ARE READING
BORED Ka? PROBLEMA Mo Na Yan!
RandomBored ka ba? Gusto mo bang magbasa ng pampalipas oras? Kung gano'n ang librong ito ay nababagay sa 'yo! The Following Contents: 1. Short Story 2. Riddle 3. Lyrics 4. Quotes 5. Facts 6. Tips 7. Hugots 8. Jokes 9. Poems Plus BONUS PARTS!! WARNING: "F...
