Chapter 35
Breaking News: Calix Dylan Fujimoto denied dating rumors with Gwendolyn Leigh Benavente
Ayan ang bumungad sa akin nang magising ako. It was a screenshot sent by Anne in our group chat, and they were all making a fuss about it.
Stefany Anne Lupena: huy gagi trending
Elora Chin Dela Paz: Hindi naman nakakagulat 'yan.
Stefany Anne Lupena: eh kahit na! ang tagal kayang walang update!
Michelle Noblejas: anong meron? ba't biglang nag-release ng statement si calix?
Elora Chin Dela Paz: Ang alam ko ay nasa America ngayon si Calix.
Michelle Noblejas: ano bang laman ng article? anong sabi ni calix? tinatamad akong magbasa
Stefany Anne Lupena: wala, nag-post lang sa facebook page niya na magkaibigan lang daw sila ni gwen kaya sana ay matigil na ang mga chismis tungkol don
Marami pang sumunod na mensahe pero hindi ko na inisa-isa dahil nananakit lang ang ulo ko kaiisip. I just visited his Facebook page to see his post. Sa tagal ng pag-i-stalk ko sa kanya sa social media, ngayon lang siya personal na nag-post sa page niya. Kadalasan kasing nagpo-post doon ay ang admins niya. Update lang tungkol sa projects na hina-handle niya.
Engr. Calix Dylan Fujimoto
Good day. I'm here to refute any and all claims that I dated Gwen. We were never romantically involved. We're just friends, and I hope you don't misunderstand that.
Napahinga ako nang malalim. Kaninang madaling araw niya lang ipinost iyon pero marami na agad nag-comment at nag-share. Sikat pala talaga siya sa Pilipinas? I mean, yeah... ilang beses siyang na-link kay Gwen kaya maraming nakakakilala sa kanya. Hindi ko lang alam na may sarili siyang... what do you call this? Fans? Supporters?
Nagbasa ako ng ilang comments at napansing majority noon ay positive. Na hindi naman daw sila naniwala dahil walang confirmation at susuportahan pa rin daw nila ang lalaki.
Napatigil ako sa pagbabasa nang biglang tumawag ang mga kaibigan ko. Mukhang hindi sila natahimik sa group chat.
I groaned. Hindi ba sila aware na alas-sais pa lang dito?!
Pupungas-pungas kong sinagot ang tawag. Mukha agad ng tatlo ang bumungad sa akin. Parang handang-handa nang magsabi ng kung ano-anong chismis.
"Gusto ko pang matulog, please lang," saad ko.
Ngumuso si Anne. "Hindi ka nagbabasa sa gc, 'no?"
"Bakit ba?"
She scoffed. "Aba! Kung nasa America si Calix, hindi malabong hindi kayo magkita."
"Anong tingin mo sa America, girl? Barangay lang?" Umirap ako.
Napatawa si Chin. "Don't deny it, Vina. Nagtanong sa akin si Calix bago siya pumunta d'yan."
Mula sa pagkakahiga ay naupo ako at sumandal sa headboard ng kama. Humikab pa ako dahil sa antok. I had a hard time sleeping last night because of that guy! Tapos ngayon, siya rin ang dahilan kung bakit binubulabog ako ng mga kaibigan ko!
"At sinabi mong nasa New York ako?"
"Edi, nagkita nga kayo?!" Si Mich.
"Gulat na gulat, Michelle?! Kunwari hindi napag-usapan sa gc?" panunuya ni Anne na ikinatawa namin pareho ni Chin. "So... ano? Hindi ka magkukwento?"
"Puntahan na kasi natin!" singit ni Chin.
I groaned. "Hindi ba pwedeng mamaya na tayo mag-usap? Inaantok pa talaga ako."
BẠN ĐANG ĐỌC
Dosage of Serotonin
Lãng mạnStarted: 04/27/2021 Ended: 08/24/2021 Ang hirap palang tumanda. Ang hirap magbayad ng bills. Ang hirap suportahan ng pamilyang akala ay isang milyon ang suweldo mo. Ang hirap ngumiti sa nanay na mataas ang tingin sa'yo pero hindi ka kayang ipagtang...
