26
မုကောအာ အနည်းငယ်စပ်စုချင်လာတာကြောင့် မေးလိုက်သည်:"အစ်ကိုဟန်က ဘာဖြစ်လို့လဲ?သူက မင်းကို အရမ်းချစ်တာပဲဟာ"
"ဘာကို ချစ်တာလဲ!"၀မ်ကျင်း အံကြိတ်လိုက်ပြီး လက်ဆစ်တြွေဖူလာတဲ့အထိ ဆုပ်လိုက်ကာ:"သူ ငါ့ကိုရှောင်ပုန်းနေတာ သိသာနေတာပဲကို!"
ရှောင်ပုန်းနေတယ်?
မုကောအာ အံ့အားသင့်သွားပြီး အသိပြန်မ၀င်လာခင်အထိ အနည်းငယ်လောက် မျက်တောင်ခတ်နေလိုက်မိသည်။
ဒီရက်ပိုင်းအတွင်း အစ်ကိုဟန်က အားကျင်းနဲ့ လက်ထပ်ပွဲ လုပ်ဖို့အတွက် အလုပ်များနေတာ ခြေထောက်နဲ့မြေကြီးတောင် မထိတော့ပေ။ပြီးတော့ သူက အားကျင်းကို အံ့အားသင့်စေချင်တာကြောင့် ဒီအကြောင်းကို တမင်တကာမပြောခဲ့ဘဲ သူတို့ကိုလဲ ပြောခွင့် မပေးထားပေ။
ဒါက . . . အားကျင်းဘက်က ကြည့်တော့လဲ တကယ်ပဲ အစ်ကိုဟန်က အရင်ကထက်စာရင် အိမ်မှာရှိနေတဲ့အချိန်က နည်းသွားတာပဲ . . . .
ဒါပေမယ့်လဲ ရှောင်ပုန်းနေတယ်ဆိုတဲ့ဘက်တော့ မလှည့်သွားသင့်ဘူးလေ?
မုကောအာ မျက်မှောင်ကြုပ်လိုက်ပြီး နားမလည်စွာ ပြောလိုက်၏:"ဘာဖြစ်လို့ ဒီလိုပြောရတာလဲ?"
"သူ . . . . "၀မ်ကျင်း ပြောနေရင်း ခဏရပ်တန့်သွားပြီး ရုတ်တရက် သူ့အတွေးတွေက အေးခဲသွားခဲ့လေသည်။
ဟုတ်သားပဲ,ထိုလူက ဘာဖြစ်လို့ မိမိကို ရှောင်ပုန်းနေရတာလဲ?
၀မ်ကျင်းတစ်ယောက် အနည်းငယ် စကားပြောမထွက်နိုင် ဖြစ်နေတာကို မုကောအာ မြင်လိုက်ရတော့ ပြုံးကာ ပြောလိုက်သည်:"မင်း အရမ်းတွေးလွန်းနေတာပါ,အစ်ကိုဟန်က ဘယ်လိုလုပ်ပြီး မင်းကို ရှောင်ပုန်းမှာတဲ့လဲ,သူက မင်းဘေးနားမှာ အချိန်တိုင်း နေရဖို့
တောင် မစောင့်နိုင် ဖြစ်နေတဲ့သူပါ"မုကောအာ အရွှန်းဖောက်လိုက်ပေမယ့် ၀မ်ကျင်းကတော့ စိတ်ထဲမှာ ရှုပ်ထွေးနေလေသည်။
ထိုလူက အခုချိန်ထိ ဘာဖြစ်လို့ အိမ်မပြန်လာသေးတာလဲ?
၀မ်ကျင်း အရင်က ဘာတြွေဖစ်ခဲ့လဲဆိုတာကို သေသေချာချာ ပြန်စဉ်းစားကြည့်လိုက်၏။
VOCÊ ESTÁ LENDO
အရူးကောအာတစ်ယောက်အဖြစ် ပြန်မွေးဖွားလာခြင်း
RomanceAuthor-水金木 (Shui jinmu) Title-重生之疯哥儿 Cover photo is not mine Chinese BL Myanmar translation End - 178