အူဝဲ.. အူဝဲ.. အူဝဲ.. အဟင့်.. အဟင့်
ကလေးငိုသံရဲ့နောက်မှာကပ်ငြိပါလာသည့်ကလေးအမေရဲ့ရှိုက်သံတိုးတိုးကြောင့်ထိုသားအမိနဲ့ဘေးချင်းကပ်ခုံမှာထိုင်နေရတဲ့ဆော့ဂျင်လည်းဘယ်လိုတွေကူညီပြီးဘာလုပ်ပေးရမှန်းမသိဘဲအနည်းငယ်ခေါင်းနပန်းကြီးသွားရ၏။ 12 နာရီနီးပါးကြာမြင့်မည့် Seoul မှ Las Vegas သို့ပျံသန်းနေတဲ့လေယာဥ်ပေါ်မှာမို့သက်တောင့်သက်သာမရှိရတဲ့ကြားထဲကလေးကတစ်ချိန်လုံးငိုနေလေတော့ကလေးရဲ့အမေခမျာအိပ်ကောင်းခြင်းမအိပ်ရ၊ စားကောင်းခြင်းမစားရ၊ ဒီလေယာဥ်ပေါ်မှာအတူစီးနင်းလိုက်ပါလာကြတဲ့တခြားခရီးသည်တွေကိုအားနာရနဲ့ တော်တော်နွမ်းလျနေလောက်ပြီ။ ပြီးတော့ကလေးရဲ့အမေဖြစ်သူကအသက်၂၀ ဝန်းကျင် single momတစ်ယောက်မို့စာနာသနားမိသလိုလူမျိုးတူချင်းဖြစ်နေလို့တတ်နိုင်သလောက်အကူအညီလည်းပေးချင်မိသည်။
"ကလေး.. ဘာဖြစ်လို့လဲ။ နေများမကောင်းလို့လား"
"မဟုတ်ဘူး.. ဗိုက်ဆာလို့ထင်တယ်။ ဘယ်လိုလုပ်မလဲ.. ကလေးအတွက်နို့မှုန့်ကို check in လုပ်မယ့် luggage အကြီးထဲယောင်ပြီးထည့်လိုက်မိလို့.. အဲ့ဒါလေယာဥ်ပေါ်ကိုနို့ဗူးပဲပါလာတယ်.. နို့မှုန့်ပါမလာဘူး။ ပြီးတော့ကျွန်မကလည်းနို့မထွက်တော့နို့တိုက်လို့မရဘူး။ ကလေးကလည်းဗိုက်အရမ်းဆာနေပြီနဲ့တူတယ်.. အခုဘယ်လိုလုပ်ရမှန်းတောင်မသိတော့ပါဘူး.. ရူးချင်တာပဲ။ ကလေးကတစ်လမ်းလုံးငိုနေလို့တခြားခရီးသည်တွေကိုလည်းအားနာလှပြီ"
"ကလေးငယ်လေးတွေပါလာရင်ဒီလိုအခက်အခဲတွေကြုံတတ်မှန်းတခြားခရီးသည်တွေလည်းနားလည်မှာပါ။ အဲ့ဒါကြောင့်ဘာမှမစိုးရိမ်နဲ့နော်"
"ဒါ.. ဒါပေမယ့်.. အခု.. ကလေးက.... "
ပြောနေရင်းငိုချလိုက်တော့မယ့်ပုံပေါ်နေတာကြောင့်မဆိုင်သော်ငြား သူ့ခမျာကြားထဲကမနေစိမ့်တော့ပြီ။
"စိတ်ကိုအေးအေးထား။ ကျွန်တော်.. လေယာဥ်မယ်တွေဆီမှာအကူအညီတောင်းကြည့်လိုက်မယ်။ သူတို့ဆီမှာတော့.. နွားနို့တွေဘာတွေရှိချင်ရှိမှာပါ.. ခဏနော်"
YOU ARE READING
Tie the Knot (✔️)
Fanfiction(Unicode) အချစ်သည် ကမ္ဘာကြီးကိုလှပအောင်ဆန်းကြယ်စွာခြယ်မှုန်းနိုင်စွမ်း၏။ အချစ်သည် ငြိမ်းချမ်းခြင်းရဲ့သင်္ကေတ Jeon Jung Kook 💜 Kim Seok Jin (Zawgyi) အခ်စ္သည္ ကမ္ဘာႀကီးကိုလွပေအာင္ဆန္းၾကယ္စြာျခယ္မႈန္းႏိုင္စြမ္း၏။ အခ်စ္သည္ ၿငိမ္းခ်မ္းျခင္း...
