"မင်းက.. တစ်နေ့ရှစ်ကြိမ်အဖက်ခံဖို့လိုအပ်နေတယ်"
ဆော့ဂျင်၏ကမ္ဘာကြီးသည်အတိတ်ကြီးတိတ်ကျသွား၏။ သူ့ကမ္ဘာထဲတွင်သူ၏လည်တိုင်ကိုထိခတ်ကျီစယ်နေသောဝင်သက်ထွက်သက်၊ တဖြည်းဖြည်းနွေးဖိုလှိုက်ဖြာလာစေသည့်နစ်မြုပ်မှု၊ ပြီးတော့.. ကလေးကစားသည့်ဘောလုံးတစ်လုံးလိုခုန်ပေါက်နေသောနှလုံးသားတစ်စုံ.. သာကျန်ခဲ့သည်။ ထိုတိတ်ဆိတ်မှု၏နေရာအနှံ့လွင့်မြောနေရှာသည့် သူ့ရဲ့စိတ်ဝိဉာဥ်လေးပြန်လည်သက်ဝင်လှုပ်ရှားလာချိန်မှာတော့.. ဒီအခိုက်အတန့်လေးမှာပဲအချိန်အကြာကြီးရပ်တန့်ချင်ခဲ့မိသည့်သူ့ရဲ့ခဏတာပျော့ညံ့မှုကို အားမလိုအားမရစိတ်တိုမိသည်။ ထိုအသိကြောင့်ဆော့ဂျင်.. နွေးနေသည့်အနှောင်အဖွဲ့မှဖျတ်ခနဲရုန်းဖယ်ဆောင့်တွန်းလိုက်သည်။
~ဒုတ်~
"အား!"
ဒီမေတ္တာတုံးစရာလေးသည်နိုင်ငံ့လက်ရွေးစင်ဘောလုံးသမားများဖြစ်ခဲ့ဖူးသလားလို့သံသယဝင်စရာကောင်းလောက်အောင် ကန်ချက်ကတစ်လက်မတောင်မလွဲဘဲ မနေ့ကအကန်ခံထားရလို့အနာတောင်မပျောက်သေးတဲ့ညို့သကျည်းကိုမှကွက်တိဒုတ်ခနဲလာထိမှန်သည်။
"ရား! မင်း.. စကားနဲ့ပြောလို့မရဘူးလား။ မင်းက..လူမိုက်လား.. အကြမ်းဖက်သမားလား"
"ခ.. ခင်ဗျားဘက်ကအရင်လာစတာလေ။ ဘာ.. ရှစ်ကြိမ်အဖက်ခံသင့်တယ်တဲ့.. ပေါက်ကရတွေလည်းလျှောက်ပြောသေးတယ်။ ရူးနေလား.. ခင်ဗျား"
အမြဲလိုလိုစူးစူးစိုက်စိုက်ပြန်ကြည့်တတ်တဲ့မျက်ဝန်းလေးတွေကိုသူနဲ့အကြည့်ချင်းမဆုံစေဘဲမသိမသာမျက်လွှာလေးချထား၏။ ပန်းဆီရောင်တောက်နေတဲ့ပါးပြင်လေးတွေနှင့်နားရွက်ရဲရဲလေးတို့ကလည်း ဒီဆတ်ဆတ်ကြဲလေးရှက်ရမ်းရမ်းပြီးလုပ်မိလုပ်ရာလုပ်ခဲ့တဲ့အဖြစ်ကိုဖော်ပြနေလေရဲ့။ ဒါပေမယ့်မေတ္တာတုံးစရာလေးကတော့မာန်လျှော့မည့်ပုံမပေါ်ဘဲရှိရှိသမျှမာနများကိုစုစည်းကာမျက်နှာထားကိုတော့တင်းထားဆဲပင်။
"ဘာ! ရူးနေလား.. ဟုတ်လား။ ဝါး! ငါ..တကယ်.. တကယ်အကြီးကြီးစိတ်တိုသွားပြီနော်။ ဒီအတိုင်းတော့ ကျော်မသွားနိုင်ဘူး.. အခုချက်ချင်းတောင်းပန်။ မတောင်းပန်လို့ကတော့.. ငါ့ရှေ့နေကိုခေါ်လိုက်မှာ"
YOU ARE READING
Tie the Knot (✔️)
Fanfiction(Unicode) အချစ်သည် ကမ္ဘာကြီးကိုလှပအောင်ဆန်းကြယ်စွာခြယ်မှုန်းနိုင်စွမ်း၏။ အချစ်သည် ငြိမ်းချမ်းခြင်းရဲ့သင်္ကေတ Jeon Jung Kook 💜 Kim Seok Jin (Zawgyi) အခ်စ္သည္ ကမ္ဘာႀကီးကိုလွပေအာင္ဆန္းၾကယ္စြာျခယ္မႈန္းႏိုင္စြမ္း၏။ အခ်စ္သည္ ၿငိမ္းခ်မ္းျခင္း...
