The Prince Who Built the Snowman (Prince Series #4)

Chapter 7

Chapter 7

Employment 

Gusto kong tirisin ng buhay ang pahamak na batang iyon. Siya na nga ang tinulungan ko para kunin ang kanyang lobo, ako pa ang nagmukhang kontrabida.

And Keaton Samonte didn't even help me! Sadyang hinayaan niya akong magmukhang masama!

"It's fine." He stiffly said, bago siya umalis at sundan ng kapatid niyang baliw.

Kaya hindi tuloy ako makakain ng maayos. The Arellano girls were staring daggers at me na parang isa akong manlolokong girlfriend sa pinsan nilang si Leiden.

"Kung naglaro talaga ako ng buong quarter, baka tambak pa ang mga iyon." Troy Ferell blurted out.

Hindi ko mapigilan ang pagngiwi ko. Seryoso ba talaga siya? Baka kung hinayaan siyang maglaro ng mga kagrupo niya ay hindi na sila manalo.

Umiiling na lamang ang mga kasamahan niya, lalo na si Triton na mukhang nagsasawa nang makarinig ng yabang ng kaibigan niya. Minsan ay gusto ko na rin silang dalawang pag-umpugin, alam mo iyong laging inis ang mukha ni Triton kay Troy? Pero lagi naman silang magkasama. Magkaakbay pa, they're weird.

"Nag-init talaga ulo ko kanina, buti pinalabas n'yo sa court 'to." Siniko ni Triton si Troy.

Buong green team ay sumama, akala ko ay si Troy talaga ang manlilibre pero sa huli ay si Triton na ang naglabas ng kanyang wallet.

They also invited the blue team, hindi naman kasi sila magkakaaway dahil sa court lang naman sila magkakalaban. But the Samonte brothers declined the invitation because they already had their schedule after the game, gano'n din daw si Ahmed habang ang tatlong natitirang Ferell ay hindi na sumama dahil naba-badtrip daw sila sa mukha ni Troy. Si Nash lang ang sumama na ngayon ay kausap ni Leiden.

Dinala kami ni Triton sa kilalang kainan sa Enamel, sikat ang lutong bahay rito at madalas ay dinadayo talaga ng mga taga-malayo. It's a restaurant na pang-masa.

"Hindi ka pa rin nagbabago, Troy." Tipid na sabi ni Nash.

"Still awesome?"

"Awesome, huh?" natatawang sabi ni Belo.

"Nero's always complaining about you kapag nando'n siya sa mansion." Sabi naman ni Gilbert.

"Oo nga pala, kumusta na si White?" tanong ni Troy. "Hindi naman kasi nagku-kwento si Nero."

"Worst." Sagot ni Leiden.

"I was about to ask the same question." Kibit balikat na sabi ni Kairo.

"Anyway! Ano ang gusto n'yo? Mag-order na kayo ng lahat ng gusto n'yo. I got discount here, sa amin kasi sila kumukuha ng tubig."

Nagtawanan ang lahat sa sinabi ni Triton na puro business ang utak. May lumapit na sa aming waitress at isa-isa na kaming nagbigay sa kanya ng order.

Kung kanina iyong mga lalaki ang nangunguna sa usapan, ngayon ay namuno na ang dalawang babaeng Arellano, kami lang kasing tatlo ang kasamang babae. Nagsisi talaga akong sumama ako.

"So... what happened? Ano iyong sinambot kanina?" tanong ni Sherill Arellano, narinig kong iyon ang tawag sa kanya ng mga pinsan niya.

"Narinig n'yo iyong sabi ng bata." Si Leiden ang sumagot.

"Ex mo pala si Langston?" si Melody Arellano naman ang nagsalita.

Seriously? Bakit kung magtanong sila sa akin ay may ginagawa akong kasalanan?

"Y-yes..."

"Melody, Sherill." Seryosong tinawag ni Leiden ang pangalan ng mga pinsan niya dahilan kung bakit hindi na nasundan pa ang mga tanong nila.