ဆုံးရှုံးသွားရတဲ့ တန်ဖိုးကို ပြန်ယူဖို့ ဆိုရင် ကျနော် ဘာတွေ ပေးဆပ် ရမလဲ ။ ရယ်ရတယ်နော်... ကိုယ့်ဟာကို ဆုံးရှုံးသွားလို့ ပြန်ယူတာတောင် ပြန်ပီး ပေးဆပ် ရအုံး မယ်တဲ့ ။ ဒါပေမဲ့ ဒီပေးဆပ်မှု အတွက် ကျနော် ကျေနပ် ပါတယ် ။ ဒီလိုလုပ်မှဘဲ ကျနော့် အတွက် တရားမျှတမှု ရှိမှာလေ ။
" အကိုလေး... မမလေးက ခေါ်ခိုင်း လိုက်လို့..."
ကျနော် ခေါင်းတစ်ချက်သာ ငြိမ့်ပြ လိုက်ပီး လာခေါ်တဲ့ လူအနောက်ကနေ ဖြေးဖြေးချင်း လိုက်လာခဲ့ လိုက်သည် ။ ထို့နောက် ထိုလူ ဖွင့်ပေးတဲ့ အခန်းထဲသို့ ဝင်လိုက်တဲ့ အခါ မှန်တင်ခုံရှေ့မှာ မိတ်ကပ် ဆရာတွေနဲ့ ပြင်ဆင် ခြယ်သနေသော 'နှင်းစက်မေ'ကို တွေ့လိုက်ရသည် ။ သူ့အနားသို့ အသာ လျှောက်သွား လိုက်ပီး ....
" 'ကို့'ကို ခေါ်တယ်ဆို.. ဘာလဲ...'ကို'ထွက်ပြေးမှာ ကြောက်လို့လား ..."
သူမ ပြင်ဆင် နေတာတွေကို ခဏရပ်ခိုင်း လိုက်ပီး ကျနော်နဲ့ မျက်နှာချင်းဆိုင် ဘက်သို့ လှည့်လာသည် ။
ဒီလောက်လှတဲ့ မျက်နှာနဲ့မှ မလိုက် လုပ်ခဲ့တဲ့ လုပ်ရပ်တွေက အရမ်းအောက်တန်းကျ လွန်းခဲ့တယ် ။ သူမကလဲ တစ်ချိန်က ကျနော် ချစ်ခဲ့ဖူးတဲ့ သူတဲ့ ။
သူမအတွက်နဲ့ ကျနော့်မှာ သောက်ရူး တစ်ယောက်လို ခံစားခဲ့ ရသေးတယ် ။
" မဟုတ်ပါဘူး 'ကို'ရဲ့ ... ဒီ လက်ထပ်ပွဲ ပီးရင် အိမ်ဘဲ ပြန်နား မှာလား..ဒါမှမဟုတ်... ဟိုဟာ..ဟန်းနီးမွန်း အဖြစ် 'ကို'ဘယ်များ သွားချင် မလဲလို့ ... မင်္ဂလာပွဲကို အမြန်စီစဉ် လိုက်ရတော့ အဲ့တာတွေ မစီစဉ် ရသေးဘူး "
ကျနော် တစ်ချက်ပြုံးပြ လိုက်ပီး....
" 'နှင်း' စိတ်တိုင်းကျ စီစဉ်ပါ ... 'နှင်း'စီစဉ်သမျှ ကို 'ကို'က လက်ခံပီးသား "
သူမက ကျနော့် မျက်နှာကို သေချာ စိုက်ကြည့် နေခဲ့တယ် ။
" 'ကို့'အပြုံးတွေက ဒီနေ့ အရမ်း အသက်ဝင်နေတယ်... "
ကျနော် အခုတစ်ခါတော့ အချိုသာဆုံး ပြန်ပြုံးပြလိုက်ပီး...သူမခေါင်းလေးကို အသာပုတ် လိုက်ကာ...
" ဟုတ်တယ်...'ကို' ဒီနေ့ အရမ်းပျော် နေလို့..."
ကျနော် ပြောလိုက်တော့ သူကလဲ ကျေနပ်သလိုနဲ့ ပါးစပ်လေးကို လက်နဲ့ အသာပိတ်ကာ ရယ်လိုက်သေးတယ် ။ ဘေးမှာရပ်နေတဲ့ မိတ်ကပ်ဆရာ နှစ်ယောက် ကလဲ ကျနော်တို့ နှစ်ယောက်ကို ကြည့်ပီး ပြုံးနေလိုက် ကြတာ ။ ဟုတ်ပါတယ် ... ကျနော် ဒီနေ့ အရမ်း ပျော် နေပါတယ် ။ ဘာဖြစ်လို့လဲ ဆိုတော့.......???။
YOU ARE READING
My Sunshine
Randomမချစ် တော့ဖို့ အတွက် ရွေးမိတဲ့ လမ်းမှာ ကျနော်လက်နက် ချခဲ့ ရတယ်။ အဆင် မပြေ တဲ့တနေ့တာ ရဲ့အဆုံးမှာ မင်းလက်ဖဝါး နွေးနွေးလေး ကိုသာ ဆုတ်ကိုင် ခွင့်ရခဲ့ရင် ကိုယ်ဒီ ဘဝကို အရှုံးပေး တော့မှာ မဟုတ်ဘူး။ Cover photo crd to owner #
