" ကျွန်တော်ကိုပုံမှန်တစ်ပွဲလောက်ချပေးပါခင်ဗျာ "
ကြီးကြီးကိုလှမ်းစရင်း စားပွဲခုံမှာ ပေါ့ပေါ့ပါးပါးဝင်ထိုင်လိုက်သည် ။ သူ့ကိုမြင်သည်နှင့် ကြီးကြီးမှာတအံ့တသြဖြစ်လျက် ...
" ဟယ် ဘယ်လိုရောက်လာတာလဲ "
" Taxi ဆရာကို ကြီးကြီးဆိုင်လိပ်စာပြောပြီးလာတာကြီးကြီး ၊ လမ်းကသိပ်မခက်ပါဘူး လည်ထွက်နေတာပဲ "
ရပ်ဝန်းပြောရင်း ပြုံးလိုက်တော့ ကြီးကြီးပါလိုက်ပြုံးသည် ။
" မနေ့ကမင်း ကြီးကြီးဆီဖုန်းဆက်မလာဘူးနော် ၊ ဖုန်းမဆက်အားရအောင်တစ်နေကုန်ဘယ်ပျောက်နေတာလဲ "
" အလုပ်သွားလျှောက်နေတာကြီးကြီး "
" ဟင် ! မြန်မာပြည်ပြန်လာတာမှရက်ပိုင်းရှိသေးတယ် အလုပ်လုပ်တော့မလိုလား နားနားနေနေ နေဦးမှပေါ့ "
" ဒီလောက်နားရတာနဲ့တင် ကျွန်တော်အတွက်လုံလောက်ပါပြီဗျာ "
" မင်းနဲ့လည်းသိပ်ခက်တာပဲ ၊ ဘယ်လိုလဲ မနေ့ကအလုပ်သွားလျှောက်တာအလုပ်ရလာရဲ့လား "
" အဆင်မပြေခဲ့ဘူးကြီးကြီး "
" မင်း ယူလာတဲ့ပညာနဲ့ဘွဲ့ကအလုပ်ရှာရမခက်ပါဘူး ၊ မင်းကသာအလုပ်လိုက်လျှောက်နေတာ မင်းပါးစပ်က ကျွန်တော်အလုပ်ဝင်တော့မယ်ပြောကြည့် ၊ ကိုဒီပါဒိတ်ကမင်းအတွက်နေရာပေးဖို့အသင့်ပဲ ၊ သူကကြီးကြီးကိုတောင်ပြောနေသေးတာ ၊ မင်းကမလုပ်ချင်လို့ရယ် "
ကြီးကြီးပြောသလို သူသာခေါင်းညိတ်မယ်ဆိုရင် သူ့အတွက်အလုပ်ဆိုတာမရှားပါ ။ မျက်စိတစ်မှိတ်အတွင်း CEO ရာထူးပါရနိုင်တဲ့အထိ အန်ကယ်ဒီပါဒိတ်က သူ့ကိုအလိုရှိနေသည် ။ သို့ပေမဲ့ ထိုအခွင့်အရေးကို သူမလိုချင်သလို နောက်ထပ်အန်ကယ်ဆီက အကူအညီယူဖို့လည်းမရှိတော့ပေ ။ ချက်ချင်းမကင်းနိုင်သေးရင်တောင် တဖြေးဖြေးကင်းနိုင်အောင်ကြိုးစားရမည် ။ ဘာကြောင့်ဆို ဘာမထီဆိုတဲ့ကောင်နှင့် သူ လုံးဝမပက်သက်ချင်တော့လို့ပင် ။
" ခုမင်းဘယ် company မှာအလုပ်သွားလျှောက်တာလဲ "
" ဒီတိုင်းပါပဲ ကြီးကြီး အသိညွှန်းရာပေါ့ "
YOU ARE READING
Barmahti ( Ongoing )
Romance🚨 ဒီ Fic မှာ Adult Scences တွေပါဝင်တာကြောင့် မကြိုက်တဲ့လူများရှောင်ဖို့ ကြိုတင်အသိပေးပါတယ်နော် 🚨 🚨 ဒီ Fic မွာ Adult Scences ေတြပါဝင္တာေၾကာင့္ မႀကိဳက္တဲ့လူမ်ားမဖတ္ဖို႔ ႀကိဳတင္အသိေပးပါတယ္ေနာ္ 🚨
