သူကပဲ ကံဆိုးတာလား ၊ ကံတရားကပဲ ဘာမထီ ဘက်လိုက်နေတာလားမသိတော့ပါ ။ ပြဿနာမဖြစ်ချင်လို့ မပက်သက်မိအောင် တည်တံ့တို့ Company မှာအလုပ်ဝင်ခါမှ ဘာမထီနဲ့ထိတ်တိုက်တွေ့ရမယ့်အဖြစ် ။ ဒီတိုင်းတွေ့ရင်တောင် ဘာမထီဆိုတဲ့သူက သူ့ကိုအမြဲရန်ဆောင်နေတတ်တဲ့သူ ။ ခုလိုတရားလိုဘက်က ရှေ့နေတစ်ယောက်အနေနဲ့သာ တွေ့ကြမယ်ဆို ဘယ်လောက်တောင် ပေါက်ကွဲသောင်းကျန်းမလဲ မေးစရာမလိုဘဲ တွေးကြည့်ရုံနဲ့ သူသိနှင့်နေပြီလေ ။
ဘယ်တတ်နိုင်မလဲ ။ အနည်းဆုံး စကားများရန်ဖြစ်ကြရုံပေါ့ ။" ဒီလတွေထဲ Company အကျိုးအမြတ်များလာတယ်မဟုတ်လား အန်ကယ် "
" ဟုတ်တယ်မောင်ရပ်ဝန်း ၊ အစုရှယ်ယာစျေးတွေလည်းအရမ်းတက်နေတယ် "
" ဒါဆိုဘာလို့ D Group နဲ့စာချုပ်ဖျက်ချင်တာလဲ အန်ကယ် ၊ အန်ကယ်တို့ D Group နဲ့လက်တွဲတာအခြေအနေကောင်းတာပဲလေ "
လက်ထဲကိုင်ထားတဲ့ အကျိုးအမြတ်ဇယားကို စားပွဲပေါ်ချရင်း ဦးနေရောင်ထွန်းတောက် ကိုကြည့်လိုက်သည် ။ ထိုသူကမျက်မှောင်ကုတ်လျှက် ...
" D Group နဲ့လက်တွဲတာကောင်းပါတယ် ၊ ဒါပေမယ့် အကျိုးအမြတ်ကထင်သလောက်မရဘူးမောင်ရပ်ဝန်း "
" ဘယ်လိုအကျိုးအမြတ်မရတာလဲအန်ကယ် ၊ ကျွန်တော်ကြည့်ရသလောက်တော့ D Group နဲ့လက်တွဲပြီးနောက်ပိုင်း အရင်ရောင်းအားထက် ၃ ဆလောက်ကို ရောင်းအားမြင့်တက်သွားတယ် ။ ရှယ်ယာစျေးတွေလည်း ၂ ဆလောက်ထိုးတက်သွားတာမဟုတ်ဘူးလားဗျ "
" ဒါကမောင်ရပ်ဝန်းထင်လို့ပါ ၊ အန်ကယ်တို့လက်တွဲထားတဲ့ ပရောဂျက်မှာ တကယ်အကျိုးအမြတ်ရတာက D Group ပဲ ။ ဒါကြောင့်အန်ကယ်စာချုပ်ဖျက်ချင်တာ ၊ တကယ်လို့စာချုပ်ဖျက်ဖို့အဆင်မပြေဘူးဆိုရင်တောင် စာချုပ်အသစ်ချုပ်ချင်တယ် မောင်ရပ်ဝန်း "
" ဖျက်မယ့်အကြောင်းအရင်းနဲ့ အန်ကယ်တို့ချုပ်ထားတဲ့ နှစ်ဦးသဘောတူစာချုပ်ကို ကျွန်တော်ကိုပြပေးလို့ရမလားဗျ "
" ရတာပေါ့ ၊ ခဏလေးနော် အန်ကယ် အတွင်းရေးမှူးကိုယူလာခိုင်းလိုက်မယ် "
YOU ARE READING
Barmahti ( Ongoing )
Romance🚨 ဒီ Fic မှာ Adult Scences တွေပါဝင်တာကြောင့် မကြိုက်တဲ့လူများရှောင်ဖို့ ကြိုတင်အသိပေးပါတယ်နော် 🚨 🚨 ဒီ Fic မွာ Adult Scences ေတြပါဝင္တာေၾကာင့္ မႀကိဳက္တဲ့လူမ်ားမဖတ္ဖို႔ ႀကိဳတင္အသိေပးပါတယ္ေနာ္ 🚨