အလယ်ဘုံမှာရှိတဲ့ ဖဲချပ်ကို ရင်တစ်ထိတ်ထိတ်နဲ့ ဆွဲယူလိုက်သည် ။ ဖဲကဒ်က ဂဏာန်းလေးကိုမြင်တော့ ဒေါ်မေသစ္စာ အကြီးအကျယ် စိတ်ပျက်သွား၏ ။
ဒီနေ့လည်း သူမနေ့မဟုတ်သေးဘူးထင်သည် ။ တသသဆီရလာတဲ့လစာတွေ အကုန်ကုန်ပြီး ချေးဆော့တာတောင်မနိုင် ။ ထုတ်သမျှအကုန်ကုန်နေ၏ ။
" ကျွတ် ! ရှူံးပြန်ပြီ "
ဖဲကိုပစ်ချလိုက်တာ စိတ်ပျက်လက်ပျက် ။ ဒေါ်မေသစ္စာနှင့် မျက်နှာခြင်းဆိုင်တွင် ထိုင်နေသော သူဌေးမကြီး ဒေါ်ပြုံးက....
" ရပ်ရင်ရပ်လိုက်တော့ မမေ ၊ ဒီနေ့နဲ့တင် ကျွန်မဆီလှည့်တာ ၁၀ လောက်ရှိပြီ ။ အရင်ယူထားတာနဲ့ဆို မနည်းတော့ဘူး ။ ဘယ်လိုလုပ်မလဲ မမေ ၊ အိမ်စာချုပ်နဲ့ချေလိုက်ရမလား ။ ကျွန်မလည်းဒီနေ့တော်တော်ထိတယ် "
" ခုလောလောဆယ် ကျွန်မမှာလည်း မပြုံးကိုပေးစရာမရှိသေးဘူး ၊ ကိုတေဇဆီကလည်း ကျွန်မ ၅သိန်းလောက်ဆွဲထားသေးတယ် ။ ဒါကိုတသသမသိသေးဘူး ။ သိရင်ပြဿနာဖြစ်အုံးမှာ ၊ ကျွန်မကိုအချိန်နည်းနည်းစောင့်ပေးမပြုံး ၊ ကျွန်မကြံကြည့်ပါဦးမယ် "
" ဖြစ်နိုင်ရင်တော့ စောင့်ချင်တာပေါ့ မမေရယ် ၊ ဒါမယ့်အိမ်ကအမျိုးသားကငွေလိုနေပြီ ။ ကျွန်မတို့လည်း အထက်ကိုငွေသွင်းရအုုံးမှာ ၊ မနက်ဖြန်လောက်ပဲအချိန်ရမယ် "
ဖဲချိုးရင်း ပြောနေသည့် ဒေါ်ပြုံးကြောင့် ဒေါ်မေသစ္စာ အကြပ်ရိုက်သွားသည် ။ သူမမှာ ဒေါ်ပြုံးကိုပေးရမယ့် ငွေသိန်း ၂၅၀ မပြောနဲ့ တသသ လစာထုတ်ပေးထားတဲ့ ၂သိန်းကိုတောင် ဘယ်လိုရှာဖြည့်ရမှန်းမသိသေး ။ ကိုတေဇထဲက ဆွဲရအောင်လည်း အရင်တစ်ပတ်ကမှ ၅သိန်းသွားယူထားသည်မို့ ထပ်ယူလို့မရ ။ အိမ်စာချုပ်အရှုံးခံရအောင်လည်း ဒီအိမ်လေးရှိလို့သာ သူမတို့အနေချောင်နေတာ ။ ဒီအိမ်သာမရှိရင် သူမတို့ဘ၀ လမ်းဘေးခွေးထက်တောင် အခြေအနေဆိုးသွားနိုင်သည် ။ ငွေသိန်း၂၅၀ချပေးရအောင်လဲ ဒီလောက်များတဲ့ငွေ ဘယ်မှာသွားရှာရမလဲ ။
" မနက်ဖြန်ဆိုကျွန်မရှာလို့မရနိုင်ဘူး ။ ထပ်စောင့်ပေးလို့မရဘူးလား ပြုံးရယ် "
YOU ARE READING
Barmahti ( Ongoing )
Romance🚨 ဒီ Fic မှာ Adult Scences တွေပါဝင်တာကြောင့် မကြိုက်တဲ့လူများရှောင်ဖို့ ကြိုတင်အသိပေးပါတယ်နော် 🚨 🚨 ဒီ Fic မွာ Adult Scences ေတြပါဝင္တာေၾကာင့္ မႀကိဳက္တဲ့လူမ်ားမဖတ္ဖို႔ ႀကိဳတင္အသိေပးပါတယ္ေနာ္ 🚨
