Magkabilang Mundo [★PUBLISHED under RisingStar★]

ShamEul- Seven

Authors Note:

Napublished na ito under Rising Star Enterprise. Kaya kailangan ko ng magbura ng ilang chapter. Sana suportahan niyo din ang book ng Magkabilang Mundo. Salamat.

Available at 7-eleven, Pandayan, National Bookstores, Expressions & in all leading book stores and newsstands nationwide. P149.00

_krizemman_

WATTPAD: http://www.wattpad.com/user/krizemman

hamEul- Seven

NICO POV

Nagising ako ng maramdaman kong tila may nakatingin sa akin. Alam ko naman na dito ako sa kwarto ng mga babae na natulog para samahan sila, lalo na si Nikki. Dahan dahan kong iminulat ang mga mata ko para tingnan kong gising pa din ba siya. Pero pag dilat ng mga mata ko ibang mukha ng babae ang nakita ko na nasa tabi ko.

"WHAAAAAAAAAA!!!"

Sa gulat ko kaya napasigaw ako ng malakas sabay balikwas ng bangon. Tumayo ako at lumayo sa kama ni Nikki habang nakatitig sa babaeng naka higa pa din sa pwesto ng pinsan ko. Pakiramdam ko bawat hibla ng buhok sa katawan ko ay nagtayuan, pati kaluluwa ko'y parang gustong humiwalay sa katawang lupa ko dahil sa takot. Ang mga mata kong dilat na dilat na kulang na lang ay lumuwa na. Nanatiling nakatingin pa din ako sa babaeng nasa harapan ko ngayon. Ang katawan ko na ramdam ko ang panginginig. Ang bilis ng tibok ng puso ko kaya pati paghinga ko ay habol habol ko na.

Nakakatakot siya, yung mga mata nyang nakatitig sakin na hindi man lang nakurap ang maduming damit na nag kulay brown dahil sa dumi ng putik. Ang kulay ng kanyang balat na maputlang maputla. Hindi pa din siya nagalaw, nakahiga pa din siya sa kama.

Dahan dahan akong umatras palayo sa kama habang nakatingin pa din dun sa babae. Sa nginig ng katawan ko, sa takot na nararamdaman ko, hindi ko na alam kung saan direksyon ako patungo. Pakiwari ko parang nag iisa lang ako ngayon, yung mga pinsan ko nakikita ko pang mga natutulog bukod kay Nikki na hindi ko nakita. 'Bakit hindi sila gumigising? Hindi ba nila narinig ang sigaw ko'

Sa kaaatras ko, bigla akong na buwal. Tiningnan ko kung ano yung bagay na naka harang kung bakit ako nandito sa sahig. 'B-binti ng i-isang babae' sinundan ko ng tingin kung sino nag mamay ari nun. Dahil nakadapa yung babae kaya hinawakan ko sa magkabilang balikat para ibaling ito paharap sakin. Bigla ko itong nabitiwan at agad akong napaatras palayo, dahil mukha ng babaeng mahabang buhok ang nakita ko.

Habang nakaupo ako sa may sahig, tuloy pa din ako sa pag atras palayo sa babae. Dahil sa sobrang takot na nararamdaman ko, hindi ko na nagawang tumayo pa, pakiwari ko wala ng lakas ang mga tuhod ko. Nanatili pa din nakahiga ang babae habang nakatingin pa din siya sakin.

Hindi ko na namalayan sa sobrang pag atras, nabangga na ako sa pader. Pero pag angat ng tingin ko, nasa may pintuan na ako. Nakaramdam ako ng konting pag asa na makalayo dun sa babaeng nakakatakot at hindi ko kilala kung sino man siya.

Mabilis akong tumayo, binuksan ang pinto, agad lumabas ng kwarto. Didiretso sana ako sa kwarto namin ni Eul ng maalala kong maaring masundan ako nung babae. Kaya nag desisyon ako na bumaba ng hagdan pababa ng bahay.

Pero bago ako bumaba ng hagdan, nakita ko na naman yung babae sa baba nun. Kaya bumaling na ako pabalik, pero pagharap ko, nasa harap ko na sya. Naramdaman ko lang na itinulak nya ako pababa.

Halos maalog ang utak ko sa loob ng ulo ko, dahil kada baitang, tumatama ito doon. 'Dito na ba ako mamatay? Ito na ata ang katapusan ko na wala man lang kalaban laban'

Bigla nang tumigil ang pag gulong ko pababa. Kaya naman pilit kong minumulat ang dalawang mata ko, pero hindi ko na magawa. Hindi ko na alam kung ano pang sumunod na nangyari dahil nawalan na ako ng malay.