Magkabilang Mundo [★PUBLISHED under RisingStar★]

ShamEul- Twenty

EUL CYRUS POV

Nagising ako ng maramdaman kong wala na akong katabi sa higaan. Kaya pinili ko ng bumangon na agad para hanapin si Shamy kung nasaan.

Kumatok ako sa pinto ng banyo ngunit walang nasagot, kaya nagpasya na akong buksan ito.

Ngunit wala siya sa loob nun ng pagbukas ko.

'Nasaan ka Shamy?' Tanong sa isip ko. Pero wala naman akong pangambang nararamdaman, dahil alam kong walang mangyayaring masama sa kanya.

Lumabas na ako ng silid. Para hanapin siya.

"Shamy!" Tawag ko ng malakas sa kanyang pangalan.

Pero wala pa din siya.

Hinanap ko siya sa buong kabahayan. Ganun din sa labas ng lumabas ako ng bahay, wala din siya.

Nagpunta na din ako sa ilog na nasa likod nun ngunit hindi ko siya nakita doon.

Sa pagkakataong ito, nakaramdam na ako ng takot para sa kalagayan niya. Masyadong magubat ang nakapaligid sa lugar na ito. Kaya natatakot ako na kung ano na lang mangyaring masama sa kanya.

"Shamy!" Muling sigaw ko sa pangalan niya. Pero walang pa din nasagot. Mas lalong bumilis tibok ng puso ko sa kaba.

'Nasaan ka na ba?' Nag aalalang usal ko sa sarili ko. Paano na lang kung may nangyari ng masama sa kanya. Maisip ko pa lang yun, bumubilis na tibok ng puso ko sa takot.

Nagpunta ako sa hardin na madalas namin puntahan dalawa.

"Shamy." Mahinang tawag ko sa pangalan niya ng makita ko siyang nakatalikod na nakaupo at tila namimitas ng mga bulaklak na nakapaligid sa kanya.

Nawala lahat ng takot ko na nararamdaman ko kanina.

Marahan akong lumapit mula sa likuran niya at niyakap ng mahigpit.

"Ahhh." Mahinang sigaw niya, marahil ay nagulat ko siya sa ginawa kong pag yakap "Ikaw pala aking mahal, akala ko kung sino na." Nakangiti niyang saad sakin.

"Bakit may iba pa bang yayakap sayo, bukod sa akin? Ano bang ginagawa mo dito at ang aga pa wala ka na sa tabi ko?" Malambing na tanong ko habang nakayakap pa din sa kanya mula sa likuran. "Alam mo bang nag alala ako, dahil pag gising ko wala yung pinakamamahal ko sa tabi ko."

Ngumiti naman siya, bakas sa mukha niya na kinilig siya sa iniusal ko.

"Pasensiya na kung pinagalala kita. Hindi na kasi kita ginising. Mukhang napagod ka kagabi." Makahulugang saad niya sa'kin.

Ngumiti naman ako ng makahulugan sa kanya.

"Sa susunod ayokong gumising ng wala ka sa tabi ko. Ano bang gagagwin mo dyan sa mga bulaklak?" Tanong ko makita kong napakarami niyang pinipitas.

"Ilalagay ko sa buong kabahayan. Para mag mukhang paraiso natin ang buong bahay." Shamy

Napangiti ako sa sinabi niyang 'yun. "Kahit saan lugar tayo nandoon, isa ng paraiso para sa akin basta ikaw ang kasama ko. Mahal na mahal kita Shamy." Mahinang bulong ko sa tenga niya.

Masaya ako dahil sa wakas nakilala ko na ang babaeng makakasama ko sa habang buhay.

Saglit siyang lumayo sakin para ituloy ang ginagawa niyang pamimitas ng mga bulaklak. Nang may mapansin akong maliliit na sugat sa kamay niya.

"Shamy ano yan?" Turo ko sa kamay niya na may maliliit na sugat.

"Ahh ito, wala to. Natinik lang ako sa mga rosas na pinitas ko kanina." Nakangiti niyang usal sakin.