Magkabilang Mundo [★PUBLISHED under RisingStar★]

ShamEul- Nine

Tumulong na akong maibaba ang mga gamit nila sa sasakyan ko. Hindi ko na din pinansin ang  mga sinabi ni Nikki dahil ayokong makipagtalo pa sa kanya.

"Bakit parang nagmamadali ka? May pupuntahan ka pa ba?" tanong ni Nico. Napansin nya marahil na nagmamadalai akong ibaba lahat ng mga gamit nila sa sasakyan ko.

"Gusto ko ng makauwi ng maaga, pagod ako at gusto kung magpahinga na" Pagsisinungalung ko. Napansin ko naman si Nikki na napatingin sakin. Umiling na lang ito.

"Sige aalis na ako" Malamig na paalam ko sa kanila, tumango naman si Mylene at Aira. Iling ulit ang sagot ni Nikki. Si Arail naman hindi na ako pinansin at pumasok na sa loob ng bahay.

"Ingat bro. Puntahan na lang kita bukas sa bahay nyo" Nico

"Sige" Sumakay na ako sa driver seat ng magsalita si Nikki.

"Eul magiingat ka, tawagan mo lang ako kung sakaling may problema." Malumanay nyang usal.

"Sige, salamat" Yun lang at tuluyan na akong umalis.

Hapon na kaya siguradong aabutin ako sa daan ng dilim. Hindi ko maintindihan kung bakit ganto ako ngayon. Babalik ako dun hindi para magpaalam kundi dun muna mamalagi ng ilan pang araw, hanggang dumating ang pasukan. Hindi naman din kasi ako nakakaramdam ng takot sa bahay na 'yun. Pakiramdam ko meron nag poprotekta sakin.

Tuloy tuloy lang akong nagmamaneho ng mapansin kung paubos na ang gas ng sasakyan. Kaya dumaan muna ako sa isang malapit na gasolinahan.

"Magkano sir?" tanong ng gasoline boy.

"Full tank po" Usal ko sa kanya.

Nagpasya muna akong bumaba para gumamit ng banyo. May nakita din akong convenience store kaya nag pasya muna akong kumain, 'Hindi pa pala ako kumakain simula kaninang umaga' Naalala ko, dahil sa nangyari, kaya hindi na namin nagawang kumain ng maayos.

"Hi!" Bati ng babae. Habang nakatayo ako at kumakain ng binili kong hotdog sandwich.

"Pwedeng maki share ng table?" blangkong tingin lang ang ipinukol ko sa kanya. "Wala na kasing bakanteng table" Dagdag pa nya. Inilibot ko naman ang tingin ko. Tama siya at wala ng bakante dahil maliit lang naman itong convenience store kaya ilang lamesa lang ang meron dito.

"Sure" Maikling sagot ko. Ibinaba nya na din yung binili nyang pagkain at inumin.

"San ang punta mo?" nagulat ako ng magtanong siya. "Magbabakasyon ka din ba? kasi ako magbabakasyon din"

Blangkong tingin lang ang ipinikol ko sa kanya. Ayokong makipag usap sa isang tao na hindi ko naman kilala. Lalo na sa isang babae na kung umasta ay parang matagal na kaming magkakilala.

"Suplado mo naman, boring naman kasi kung hindi tayo magkwentuhan habang nakain." Siya

"Hindi ako makakain ng ayos kung makikipag kwentuhan pa ako sayo. Nagmamadali ako." Walang emosyong usal ko. Pero mukhang makulit siya kaya nagtanong na. naman siya.

"San ang punta mo?"

"Sa cavite" walang ganang sagot ko.

"Ahh dun din ang punta ko." masiglang usal nya. 'Ano naman pakialam ko kung doon din ang punta nya' sa isip ko.

"Saan sa cavite? Baka pareho lang tayo ng pupuntahan?" Kulit pa nya.

"Miss pwede wag kang makulit" Pinahalata kong naiinis ako. "Kumain ka na lang kung kakain ka, ang ingay mo eh!" Pasinghal na usal ko.