Accidentally In Love with my Frenemy

Chapter 1

Marileigh pov

Nagising ako ng isang umaga na nasisilawan sa sinag ng araw mula sa bintana ng aking kwarto. Ito ang unang araw ko sa Mindoro.

Nagpahatid ako kay mommy and daddy kahapon, dito sa bahay ng kaibigan ko na si Samira. Tutal lagi naman sila wala, mas mabuti ng dito muna ako sa kaibigan ko, which is, kaibigan din naman ng parents ko ang family nila.

Dating nakatira sila Samira sa cebu, kung saan sabay kaming pumapasok sa school nung elementary kami, pero dahil sa negosyo na naiwan ng namayapa nyang lola dito sa Mindoro ay dito na rin sila tumira.

Nakakainggit lang dahil si Samira may kapatid at meron pang kambal na lalaki. Pero ako, ni isa wala. Parang pakiramdam ko, lagi akong nag iisa sa Cebu, kahit kasama ko sina lola at lolo duon pero, tulad din ng parents ko, madalas din wala.

Masarap mabuhay na may normal na buhay at normal na pamilya.

Bumangon ako at dali-daling naligo at nag ayos ng sarili. Wala naman pasok ngayon dahil bakasyon na.

Narinig kong may kumakatok sa pinto ng kwarto ko kaya, agad ko iyon binuksan.

"Good morning. Tara sabay na tayo kumain." nakangiting sabi ni Samira sakin.

"Okay." Tugon ko.

Agad kaming nagtungo sa dinning area. Nanduon na ang lahat. Pwera lang kay Samraz. Na kuya ni Samira. Matanda lang sa amin ng dalawang taon. Pero mukhang isip bata pa rin. Dahil nung nasa Cebu pa kami, madalas nya akong asarin at tawaging pigtail.

Madalas ko kasing itirintas ang buhok ko dahil sa pagkakulot ng buhok ko, hindi pwedeng ilugay dahil sasabog ang buhok ko.

"Maupo ka na hija." sabi ni Tita. "Wag kang mahiya, ituring mong bahay mo na rin ito." sabi pa nya. 

Mabait talaga si Tita Samara. Kahit si Tito Steven na asawa nya mabait din. Wala na ako masasabi sa kanila kundi, mababait silang mag asawa.

"Nakakatuwa hon. Parang nadagdagan ang anak natin." sabi pa ni Tito. At parang namula ang pisngi ko. "Teka, bakit wala pa si Raz? Sya na lang ang hinihintay." sabi pa uli ni tito. Pero hindi naman sya galit.

"Nandito na po." sagot ni Samraz na parang inaantok pa dahil sa pag hikab nito.

"Maupo ka na anak. Para sabay sabay na tayong kumain." sabi pa ni tita kaya umupo na sya sa tabi ng upuan ni Samir.

Nang mag umpisa ng kumain, tumusok ako ng isang hotdog gamit ang tinidor, nang syang tinusok din ni Samraz. Kaya tinanggal ko ang tinidor sa pagkakatusok at pinaubaya ko sa kanya at kumuha na lang ng iba.

Kung tutuusin pwede naman nyang gawin yun ang kumuha na lang ng iba hindi yung parang nag aagawan kami.

Nang kumuha naman ako ng bacon, at natusok ko na gamit uli ng tinidor na hawak ko, sya namang tusok nya uli kaya muling nagpaubaya ako.

Napabuntong hininga na lang ako dahil pakiramdam ko sinasadya na nya, kaya ng tinignan ko sya. Sya namang talim ng tingin nya sakin.

Katakot... 

"Kumain ka pa hija. Para tumaba ka." sabi ni Tita at nilagyan ng ulam ang plato ko.

"Salamat po." nahihiyang sabi ko.

Nang matapos kaming mag agahan, nagpaalam sila tita at tito na pupunta ng hotel. Kung saan naroon ang opisina nilang mag asawa, at sila ang may ari nun.

"Magpakabait, habang wala kami." sabi ni tita at hinalikan sa pisngi ang kambal. Pero si Samraz hindi nag pahalik dahil bigboy na raw sya. Nakakagulat ng halikan din ako ni tita sa pisngi.