Accidentally In Love with my Frenemy

Chapter 18

Samraz pov

Sinundo ko si Reid sa sunflower farm. Sinuguro ko na walang sino mang nakasunod sa akin dahil, kahit mga tauhan ni lolo ayokong malaman na tinutulungan ko sina Samira at Reid.

Kasama ko si Anton. Para walang magduda na aali-aligid sa paligid kung saan kami pupunta, tutal ang mga mata naman nila ay nakatutok sa kapatid kong si Samira.

Hindi lang isa ang panay aligid sa bahay ng mga Gonzales. Kundi tatlo. Hindi ko lang maintindihan kay Lolo kung bakit kailangan pa nya gawin subaybayan ang kilos ni Samira. Mabuti na lang ay tinulungan ako nila Chairman at Chairwoman Gonzales.

Flashback..

Habang nasa bahay ako nila Mari, nilakasan ko ang loob ko para kausapin ang lolo at lola ni Mari.

"Ano yun Samraz?" tanong ni Chairman Gonzales ng kumatok at pumasok ako sa study room.

"Chairman. Gusto ko po sana humingi ng pabor."

"Ano yun?"

"Hihingiin ko po sana ang tulong nyo."

"Tulong para saan?"

"Para po sa kapatid kong si Samira."

"Ano iyon Hijo?" tanong ni Chairwoman.

"Alam nyo naman po ang dahilan kung bakit ayaw ni lolo sa kasintahan ni Samira, at tutol si Lolo duon."

"Anong maitutulong namin tungkol sa bagay na yan?"

"Gusto ko po sana, isa sa mga tauhan nyo ay samahan ako papuntang batangas para sunduin si Reid Ruiz. Na hindi makakahalata ang mga taong nagmamasid dito sa paligid nyo."

"Nagmamasid??"

"Opo, mga tauhan ni Lolo para, bantayan si Samira. Kaya po humihingi po ako ng tulong nyo para magkita ang dalawa." paliwanag ko.

"Walang problema, ngunit paano kung sa akin naman magalit ang kaibigan ko?"

"Please po Chairman. Yun na lang po ang tanging magagawa namin ni Mari para kay Samira."

"Alam ni Mari ito?"

"Plano po namin ito. Dahil sa isang mabigat na dahilan."

"Ano yun?"

"Buntis po si Samira. Tanging kami pa lang po ni Mari ang nakakaalam." sabi ko at narinig kong bumuntong hininga si Chairman.

"Okay sige. Kung yan na lang ang nakikita nating paraan. Para magkita ang dalawa."

"Salamat po Chairman."

"Ngunit sa isang kondisyon."

"Ano po iyon?"

"Alam kong may relasyon kayo ng apo ko. Gusto ko, bigyan nyo na kami ng apo." nagulat ako sa kondisyon nya.

"Pero Chairman. Hindi pa naman po ganon kalalim ang relasyon namin ni Mari. Bago pa lamang kami."

"Alam ko, pero gusto ko talaga na ikaw ang lalaking para sa kanya. Dahil, darating din ang araw na ipagkakasundo pa rin naman namin kayong dalawa." paliwanag nya. Na matagal ko ng alam ang bagay na iyon.

End of flashback.

Matagal ko ng alam na gusto kami ipagkasundong dalawa ng mga magulang namin, at ng lolo at lolo ko, simula nung dumating sya sa bahay sa mindoro, nung mga bata pa kami.

Isa din yun sa dahilan ko nuon kung bakit ako nagagalit sa kanya. Pero hindi ko naman akalain na sa tuwing aasarin ko sya ay mahuhulog ako ng ganito sa kanya na di ko inaasahan, at hindi ko din alam paano nagsimula, basta bigla ko na lang naramdaman. Mahal ko na sya.