စာမေးပွဲနီးလေလေ စိတ်လှုပ်ရှားလေလေကကျွန်တော်မဟုတ်ဘဲကိုကိုဖြစ်နေခဲ့တယ်။ အခန်းထဲဝင်လာလိုက် ပြန်ထွက်သွားလိုက်ဘုရားခန်းထဲရောက်သွားလိုက်နဲ့ အခုလည်းမီးဖိုခန်းထဲမှာကျွန်တော့်အတွက် နွားနို့သွားကျိုနေလေရဲ့ ...
"ဇာဇာ !! "
"ရှင်...ကိုလေးဘုန်း.."
"ဒီကိုအမြန်လာ..."
ဇာဇာဆိုသည်မှာ အိမ်ရဲ့ဒရိုင်ဘာဥယျာဉ်မှူးကိုဝင်းနိုင်ရဲ့ ၈နှစ်ငယ်တဲ့ဇနီး ဇာခြည်ဖြစ်သည်။ မနှစ်ကရွာကိုအလည်ခဏပြန်တဲ့ကိုဝင်းနိုင် သူ့ဟာလေးကိုအိမ်သို့ မ,လာခြင်း။
"ဇာဇာရောက်ပြီကိုလေး...အဲ့ဒါအကိုလေးအတွက်လား"
လျှာရှည်ရန်ကော ဟူသည့်အကြည့်ဖြင့်ကြည့်လိုက်တော့ဇက်ပုသွားသူ။ ဘုန်းဟန်,နွားနို့အိုးကိုမွှေနေရင်းဖြင့်....
"နင့်အကိုလေးဖန်ခွက်ယူခဲ့ ဆားသေးသေးလေးထည့်...ဒီမှာငါလွှတ်လိုက်ရင် ဝေကျသွားမှာစိုးလို့"
ဇာဇာလည်းဖန်ခွက်ထဲ ဆားထည့်နေရင်းတိုးတိုးတိုးတိုးဖြင့်...
"နွားနို့ကျိုရင်အဆက်မပြတ်မွှေနေရမယ်လို့ဘယ်သူပြောလဲ...ယောက်မတစ်ချောင်းထည့်ထားရင်ရနေတဲ့ဟာကို...အဲ့ ကိုလေးဘုန်းကတစ်ခါတစ်ခါတအားအတွေးခေါင်တာဘဲ...ပြောရင်လည်းကြိုက်မှာမဟုတ်ဘူး"
"ဟဲ့..ဘာတွေပြောနေတာလဲ"
"ဘာမှမဟုတ်ဘူး ကိုလေး သကြားထည့်ရင်ကြိုက်မှာမဟုတ်ဘူးလို့ပြောတာပါ"
"နည်းနည်းဆိုချမ်း,ကကြိုက်တယ်...သကြားပုလင်းပါယူခဲ့...ငါထည့်မယ်"
"ဟုတ်..."
နွားနို့ပူပူလေးကိုဖန်ခွက်ထဲပြောင်းထည့်ရင်း ဆားသကြားသမအောင်မွှေလိုက်ပြီး နို့ပူပူလေးကိုအပေါ်ကကောင်လေးဆီယူသွားပေးရမည်။သူမီးဖိုခန်းကထွက်လာတော့ တစ်ယောက်တည်းယောက်ယက်ခတ်နေတဲ့သူ့ကိုအဖေက...
"ဟိုကောင်!!! စာမေးပွဲဖြေရမှာအငယ်ကောင်နော်ငါမျက်လုံးတွေနောက်....."
"နေဦးအဖေရာ...ဒီမှာအေးသွားလိမ့်မယ်"
ပြောပြီးအပေါ်တက်သွားတော့ မကြားကြားအောင်အော်ပြောပြန်သည်။
YOU ARE READING
ဘုန်းပြည့်ချမ်းဟန် (Complete)
Fantasyဘုန်းပြည့်ချမ်းဟန်ဆိုတာ ချမ်း, တစ်ယောက် တည်းရဲ့အမည်နာမပဲဖြစ်စေရမယ်...။ 1.10.2021 >> 6.2.2022