ပန်းကန်ဆေးနေတဲ့လက်အစုံကရေပန်းတွေအောက်မှာတန့်သွားပြီး မိမိကိုထွေးပွေးလာတဲ့ချစ်ရသည့်လက်ကလေးများအားငုံ့ကြည့်လိုက်မိသည်။ ကျောပြင်ဝယ်တသိမ့်သိမ့်ဖြစ်လာသောခံစားချက်ကြောင့် အနောက်ကကောင်လေးငိုနေပြီမှန်းသိလိုက်ရ၏။ ဘုန်းဟန် လက်သုတ်ပဝါတစ်ထည်ဆွဲယူ၍လက်သုတ်လိုက်ပြီးနောက် ထွေးပွေ့ထားသည့်လက်အစုံကိုဖြည်ချကာကောင်လေးနှင့်မျက်နှာချင်းဆိုင်လိုက်ပါသည်။
မျက်နှာအောက်ချထားပြီး တအိအိရှိုက်ငိုနေတဲ့ကောင်လေး။ ဘုန်းဟန် ထိုမျက်ရည်တွေကိုမြင်တိုင်းစိတ်တွေတိုလွန်းလို့တစ်ခုခုကိုလုပ်ပစ်လိုက်ချင်သည်။ သို့သော် ယခုဘာလုပ်လို့လုပ်ရမှန်းမသိဘဲ ကြောင်ကြောင်လေးသာငေးကြည့်နေမိသည်။ ကျလာတဲ့မျက်ရည်တွေကိုသုတ်ပေးနေရင်းပေါ့။ ရှိုက်သံတစ်ဝက်ရောလျက်ထွက်လာသည့်စကားသံလေးများ...
"ထားခဲ့ပြီထင်တာ...ထားပြီးထွက်သွားပြီထင်တာ"
"ကိုယ်ကထားသွားရမယ် ဟုတ်လား...အဓိပ္ပါယ်မရှိတာတွေချမ်းရာ...မင်းနားဘဲနေချင်နေတာသိရဲ့နဲ့"
တရှုံ့ရှုံ့ငိုနေတဲ့ကောင်လေးက သူ့ကိုမော့ကြည့်လာပြီး...
"ကျွန်တော်တို့က ဘာလို့ဘေးသူစိမ်းအတွက်နဲ့ရန်ဖြစ်ရမှာလဲကိုကိုရယ်...နော်"
ဘုန်းဟန် တလိမ့်လိမ့်ကျနေတဲ့မျက်ရည်တွေကိုကြည့်ပြီးသူပါငိုချင်လာရသလို..။
"အင်းး...ဘာလို့ရန်ဖြစ်ရမှာလဲ...မဖြစ်ရဘူး ရှိတာမှဒီနှစ်ယောက်တည်းကို ဝမ်းနည်းစရာကိစ္စတွေမလုပ်ကြေးနော်..."
အဆုံးထိမဲ့ကျသွားတဲ့မျက်နှာလေးက သူ့ရင်ခွင်ထဲနစ်ထွက်မတတ်တိုးဝင်လာကာခါးကိုတင်းကျပ်နေအောင်ဖက်လာပြီး ဝမ်းနည်းပက်လက်ငိုကြွေးလေတော့၏။
"ကိုကိုအော်တယ်...ကိုကိုကျွန်တော့်ကိုဆောင့်တွန်းတယ်..."
ဘုန်းဟန် မိမိမေးဖျားနှင့်ထိစပ်နေသော ချမ်း,နားထင်စပ်လေးတွေကိုအသာအယာပွတ်ပေးနေမိကာ ချမ်း,၏ကျောပြင်ကိုခပ်တင်းတင်းပွေ့ဖက်ထားရင်းဖြင့်...
"ကိုကိုအစိုးရိမ်လွန်ပြီးအော်မိတာပါ ချမ်းလေးရယ်...ကိုကိုတောင်းပန်ပါတယ်နော်...အဲ့ကောင်ကိုမင်းနားမှာမြင်လိုက်တော့ကိုကိုအရမ်းစိုးရိမ်သွားလို့ပါ..."
YOU ARE READING
ဘုန်းပြည့်ချမ်းဟန် (Complete)
Fantasyဘုန်းပြည့်ချမ်းဟန်ဆိုတာ ချမ်း, တစ်ယောက် တည်းရဲ့အမည်နာမပဲဖြစ်စေရမယ်...။ 1.10.2021 >> 6.2.2022
