Chapter 27

120 7 8
                                    

DANAYA'S POV

"Nasaan na ang mga brilyante?" Maawtoridad namang pambungad sa amin ng huwad na Mata.

Ni hindi man lamang niya nagawang muna na batiin kami.

Mabuti na lamang talaga at nabalaan ako ni Pirena tungkol sa kanya.

Ano na lamang ang mangyayari kung sakali man na mapasakamay ng nilalang na ito ang mga brilyante.

"Sandali lamang Mata. May nais muna akong isangguni sa iyo bago namin ibigay ang mga brilyante." Panimula ko.

Pinag-isipan ko ng maigi ang aking sasabihin. Pagkat hindi ko nais na malaman ninuman sa ngayon na batid kong isa siyang huwad at lalong hindi ko rin nais na ipahamak ang aking kapatid.

"Ano iyon?"

"Isang balita mula sa aking mga hadia ang aking natanggap. Ayon sa kanila ay pinagtangkaan mo raw silang saktan at tila ibig mo pa silang paslangin."

Batid ko na nagulat siya at ang lahat sa aking tinuran.

"Anong ibig mong sabihin Hara Danaya? Pinagtangkaan ni Cassiopeia ang buhay ng aking anak at ni Lira?" Hindi naman makapaniwalang sambit ng aking kapatid na si Alena.

"Totoo ba Cassiopeia? Hindi ba't kinuha mo sila dito sa Lireo upang sanayin? Ano't nais mo silang paslangin?" Usisa naman ng Rama ng Sapiro.

"Siyang tunay. Hindi ba't malapit ka sa aking anak at hadia?" Dagdag pa ni Amihan.

"Wala akong alam sa inyong mga sinasabi. Hindi ko magagawang saktan ang inyong mga anak."

Batid ko na pabubulaanan niya ang aking mga paratang subalit sapat na itong dahilan upang hindi niya  makuha sa amin ang mga brilyante.

"Walang katuturan ang iyong mga paratang Hara Danaya. Ano naman ang mapapala ko kung sasaktan ko ang mga batang sang'gre." Pahayag naman niya at tila nais pa akong baliktarin.

"Poltre ngunit hindi kita pinaparatangan at wala ring dahilan upang magsinungaling ang aking mga hadia. Ang sinasabi ko lamang na marahil ay mayroong isang nilalang na nanggaya sa iyong wangis at siya ang nanakit sa kanila."

"Marahil ay ganoon na nga ang nangyari Mata, bakit hindi mo na lamang silipin sa iyong balintataw nang matukoy natin kung sino ito?" Mungkahi naman ni Alena.

"Marami pang hiwaga ang Encantadia na hindi natin natutuklasan at ito ang dahilan kung bakit nais ko nang kunin sa inyo ang mga brilyante. Sa panahon ngayon ay mas higit ko na itong mapapangalagaan."

Pag-iiba naman niya sa aming usapan.

Tila kahit na nasa katawan siya ng Hara Durye ay hindi niya magamit ang kapangyarihan nito.

"Agape avi Hara Durye. Subalit, hanggat hindi natin natutukoy kung sino ang huwad na Cassiopeiang nanakit sa aking mga hadia. Hayaan mo muna sa amin ang mga brilyante. Maraming beses na kaming nalinlang. Kaya naman ay hindi naman marahil masama kung mag-iingat kami." Saad ko naman na inayunan din ng lahat.

Wala nang nagawa pa ang huwad na mata kundi ang sumang-ayon rin.

"Kailan mo nakausap sina Lira at Kahlil, Danaya?" Tanong ni Amihan noong kami na lamang na magkakapatid at ang Rama ng Sapiro ang naiwan sa Punong Bulwagan.

"Hindi ko sila nakausap subalit isang liham mula sa kanila ang aking natanggap." Paliwanag ko naman at inabot sa kanila ang ginawa kong liham.

"Nasa mundo sila ng mga tao?"

"Anong ginagawa nila doon?"

"Bakit hindi pa sila bumabalik?"

"Huminahon kayo. Kung ano ang nilalaman ng liham na nabasa niyo ay iyon rin lamang ang nalalaman ko." Pagsisinungaling ko naman pagkat hindi ko naman maaaring sabihin sa kanila ang totoo.

          

Kung ako lamang ang masusunod. Nais ko nang ipaalam sa kanilang lahat ang katotohanan nang sa ganoon ay matulungan namin ang aming panganay na kapatid. Subalit, hindi ko maaaring pangunahan si Pirena.

Marahil ay susubukan ko na lamang siyang kombinsihin kapag nakabalik na siya dito sa Encantadia.

"Ang mabuti pa ay sunduin na muna natin sila." Mungkahi ni Amihan na agad ko namang tinanggahan.

Ayon kay Pirena ay nakasara ang mga lagusan papasok at palabas ng Encantadia. Kung susubukan nilang  tumawid ngayon ay mas lalo lamang silang maguguluhan.

"Sandali mga apwe. Ybrahim. Mukhang maayos naman ang mga bata sa mundo ng mga tao. Pamilyar naman sila sa mundong ito kaya sa tingin ko ay wala naman tayong dapat na ipag-alala" Pagkukumbinsi ko naman sa kanila.

"Nabasa niyo naman mula sa kanilang liham hindi ba? May natagpuan silang isang bagong sulpot na kaharian na hindi natin alam kung kakampi ba o kaaway. Sa sitwasyon ngayon, sa tingin ko mas magiging ligtas sila kung wala sila dito." Dagdag ko pa.

Salamat naman at mukhang nakumbinse ko na sila.

"Hindi mawaglit sa aking isipan, hindi kaya ang inyong kapatid na si Pirena lang naman ang nanakit sa aking mga anak? Batid natin na mayroon siyang kapangyarihan na manghiram ng mukha ng iba."

Nais kong pabulaanan ang paratang ng Rama ng Sapiro sa aking kapatid subalit nabanggit ko na sa kanila kanina na tangging ang nilalaman lamang ng liham ang nalalaman ko.

"Hindi natin inaalis ang posibilidad na si Pirena nga ang nanakit sa kanila. Pero ano naman ang mapapala niya kung gagawin niya ito? Lalo pa ngayon na wala siyang hawak na brilyante." Saad naman ni Alena.

"Hindi ko rin maipaliwanag ngunit hindi umaayon ang aking puso't isip sa mga kakaibang ikinikilos at mga nais mangyari ng Hara Durye. Napansin niyo rin naman hindi ba?" Paliwanag ko sa kanila.

"Ang mabuti pa'y puntahan na lamang natin ang bagong kaharian na ito at siyasatin. Baka sakaling makahanap tayo ng sagot sa ating mga katanungan.."

"Sumasang-ayon ako sa iyo Amihan. At sa pagkakataong ito, tila kinakailangan natin na muling biyakin ang Inang Brilyante."

PYRA'S POV

Tanghali na nang muli akong nagkamalay.

Hindi ko batid kung anong oras na ba subalit nasasabi kong tanghali na dahil sa nakikita kong mataas na ang araw mula sa binta.

"P-pashnea." Impit kong daing nang sinubukan kong bumangon.
Nagpagtagumpayan ko naman ito nang muli kong subukan.

Sa tanangbuhay ko ay hindi pa ako napipinsala ng ganito dahil kasakasama ko parati si Irvina sa tuwing ako'y nakikipaglaban kaya agad rin naman akong nalulunasan kung sakali man na kinakailangan katulad ngayon.

Marahan akong naglakad palabas ng silid. Hindi kalakihan ang bahay na ito kaya paglabas ko ay nasa sala na kaagad ako.

Hindi ko naman inaasahan na matatagpuan ko rito si Glaiza ang bodyguard ni Rhian na nagligtas sa akin.

Nakatayo siya sa tapat ng binta at tila malalim ang iniisip.

Sa lagay niya ngayon ay mahihinuha kong tila ba pasan niya ang buong daigdig at ang nakakagulat pa sa lahat ay hindi ko maiwasang hindi mag-alala.

Ano ba ang meron sa babaeng ito?

"Bakit kayo bumangon? Mabuti na ba ang inyong pakiramdam?" Saad niya nang hindi man lamang ako tinitingnan.

"Sugat lamang ito na likha ng apoy. Isa akong dugong bughaw na Hathor kaya mabilis ang aking paghilom."

Mabilis nga subalit hindi kasing bilis ng aking inaasahan ang aking paghilom.

The Descendants of Fire (Rastro Fanfiction)Where stories live. Discover now