Unicode
"နွေးသက်ပိုင်!! နင်…နင်ငါ့ကိုသေစေချင်နေတာလား"
တစ်သက်နှင့်တစ်ကိုယ်မမြင်ဖူးခဲ့သည် မေမေ့၏ ပုံစံနှင့် စကားလုံးများသည် သက်ပိုင်အား အလန့်တကြားဖြစ်သွားစေသည်။ထို့အပြင် သူ့ဆုံးဖြတ်ချက်ကိုလည်း ပို၍ခိုင်မာသွားစေခဲ့သည်။ဖေဖေကမူ ဘာပြောရမယ်မှန်းမသိတော့သကဲ့သို့ ဘေးမှရပ်ကာ ငူငူကြီးဖြစ်နေပြီးမှ မေမေ့အား စိတ်လျှော့ရန်ဖြောင်းဖြလာသည်။
"ဒေါ်ချစ်သက်လယ် ခင်ဗျား စိတ်ကိုလျှော့ပါဦးဗျာ ကျန်းမာရေးကကောင်းတာလဲ မဟုတ်ပဲနဲ့"
"အို ရှင်ဘာမှဝင်မပြောနဲ့ ဒါကျွန်မတို့ သားအမိကိစ္စ"
"ဒါပေမယ့်…သားကိုသိပ်ပြီးမဖိပါနဲ့လား သူတောင်ဒီအရွယ်ရောက်နေပြီကို…သူ့ ဘာသူဆုံးဖြတ်ပါစေ"
"ဒီမယ် ရှင်အဲ့လိုတွေ အမြဲတမ်းဖော့ပေးနေလို့ ဒီကောင် ဒီလိုဖြစ်လာတာလေ "
ဖေဖေသည် ဘာမှဝင်မပြောတော့ မျက်မှန်အားပင့်ကာ ဆိုဖာပေါ်ပြန်ထိုင်ပြီး ခေါင်းငုံ့နေတော့သည်။
"မိဘက ကောင်းစေချင်လို့ပြောတာကို လက်ခံလိုက်ပါလား ဘာတွေအထွန့်တက်ချင်နေတာလဲ"
မေမေသည် သက်ပိုင်အား လေသံမာမာဖြင့် ပြောလာသည်။သူကတော့ လက်သီးကို တင်းတင်းဆုပ်ကာ ခေါင်းငုံ့ကာ ရပ်နေရာမှာ ငြိမ်သက်နေလျက်။ကျချင်လုလု မျက်ရည်များအား ပြန်သိမ်းဆည်းကာ စကားကိုတစ်ခွန်းချင်းဆိုမိသည်။
"ကောင်းစေချင်လို့ဆိုတော့ ကျွန်တော်ကရော ဘာမကောင်းတာများ လုပ်မှာမို့လို့လဲ မေမေရယ်"
"ဟမ့် ဘာမကောင်းတာများလုပ်မှာ မို့လို့လဲ…ဟုတ်လား…ဆိုတော့…နင်က ဒီမျိုးမစစ်လေးကို ခေါ်သွားပြီး တပါးနိုင်ငံမှာ ငါတို့ဘယ်ကမှန်းတောင်မသိတဲ့ ယောက်ျားတစ်ယောက်ကို သွားရှာမတဲ့…ရှက်စရာကောင်းလိုက်တာ…ငါတို့ အသိုင်းအဝိုင်းကဒါတွေကိုသိသွားရင် နင်သူများတံတွေးခွက်ထဲပက်လက်မျောမှာဟဲ့… နင်ဒါလေးတောင်မစဉ်းစားတတ်တော့ဘူးလား နွေးသက်ပိုင်ရဲ့"
"မေမေ!! သက်ညိုလေးက ကျွန်တော့်သား မျိုးမစစ်မဟုတ်ဘူး…ပြီးတော့ ကျွန်တော်ချစ်ရတဲ့သူကို ကျွန်တော်ရှာချင်တာ ဘာများမှားလို့လဲ ဘာကိုရှက်နေရမှာလဲ"
YOU ARE READING
ဆရာလေးကိုပဲ အသည်းစွဲအောင်ချစ်မိပြီ(Complete)
Short Storyစံကားတစ်ပွင့် သက်သေတည် ဆရာလေးကို ကျွန်တော်ချစ်သည်......။💌
