Hopeless Romantic 2: Bitter (PUBLISHED UNDER POP FICTION)

SPECIAL CHAPTER

After 3 years...

Graduate na kami! Kung kailan? Last year pa! Ang bilis ng panahon, diba? Parang kailan lang, ang dami dami namin pinagdadaanan ni Tyler. Well, until now pa din naman, pero less conflicts. Siguro kasi, kilalang kilala na namin isa't isa at madami na rin kaming natutunan from our past experiences.

Kung tatanungin niyo naman kung nag-aaway pa kami. Ang sagot ko ay, MALAMANG! Abnormal kami kung hindi kami nag-aaway. Though abnormal naman talaga kami... o ako lang? Yun nga lang, sobrang babaw ng mga reasons. Ang init kasi ng ulo niya lagi, hindi ko naman alam kung bakit. Alam niyo kung anong klase siyang boyfriend?!

He's a moody one!!! May times na ang sweet sweet niya, may times na parang galit siya sa mundo. Ang bipolar lang, diba?! Sanay na nga ako eh. Haha! Pero kahit ganoon, mas lalo pa akong naiinlove sa kanya kasi ang cute cute niya! Alam mo yung antok na antok ka at puyat dahil sa trabaho tapos biglang pupunta sa bahay o kaya naman tatawag sa phone at sasabihing wala lang siya magawa?! Wag daw ako mag assume kasi hindi niya ako miss.

Pero pag ibababa na yung phone o aalis na siya, ito naman sinasabi niya...

"Pwede ka bang ibulsa na lang para lagi kitang kasama?"

Bzzzzzt. Bzzzzt.

AA Achi

calling...

Yerp, I imitated Tyler. Mas mabilis kasi macontact pag may 'AA' sa unahan ng mga importanteng tao sa buhay ko. Hahahaha! Back to reality, tumatawag pala si Achi. 

"Ry! Gusto ko ng balot!" Sabi niya, nagpaparinig na naman. Uutusan na naman niya ako! Tumanda man kami ng tatlong taon, pero kami ng kapatid ko, walang pinagbago. Hayy.

"At saan naman ako kukuha ng balot ng 6:30 AM?! Nasaan ba si kuya Anton? Bakit hindi ka sa kanya magpabili?" Sabi ko ng mahinahon. Di ko siya pwedeng sigawan kasi baka mamaya, mag emote na naman siya.

"Naghahanap na siya ng aso ngayon..."

"YUCK?! Pati ba naman aso, achi?" Sabi ko. 

"Gusto ko lang naman ng aso. Hindi ko naman kakainin," I could feel she's pouting.

"Okay okay, hahanap ako ng balot. Dadaan ako sa bahay niyo bago pumunta ng work."

"Ikaw Ry ha? Porkit may boyfriend at work ka na, hindi mo na ako pinupuntahan," Iiyak na ata siya, hala! Patay ako.

"Teka, achi. Wag ka naman umiyak. Si baby..." Grabe, sobrang nagiging emotional talaga siya lately eh. Kung ganyan pala mag buntis, hindi na lang ako magpapabuntis. Sorry, Tyler. Mag ampon na lang tayo. Joke lang. Hahaha!

"Ikaw kasi eh..." Sabi ni achi.

"Pupuntahan nga kita wait lang. Pupunta na nga ako sa market para maghanap ng balot mo oh? Sige na bye na para magkita na tayo." Sabi ko at binaba na. Ang clingy ng mga tao ngayon, no? Pati si Aisha ang clingy eh. Haha!