မနက်ခင်းလေးမှာ ရိပေါ်ဟာ လန်းလန်းဆန်းဆန်းလေးနိုးလာခဲ့သည်။အရင်လိုအစောကြီးထစရာမလိုသည့်အတွက်ကြောင့် သူ့အတွက် အိပ်ချိန်ပိုရလေ၏။ပြီးတော့အနောက်ဘက်က လူကြီးကြောင့်ရော..
ရိပေါ်ဟာအနောက်ဘက်ကိုအသာလှည့်လျက် သူ့ကိုရင်ခွင်ထဲထွေးပွေ့ထားသော ရှောင်းကျန့် ကိုအစိတ်အပိုင်းတစ်ခုစီကအစသေချာအနီးကပ်ကြည့်နေလိုက်သည်။
ထင်းနေသောမျက်ခုံးတန်းတန်း၊ လှပသော မျက်ရစ်တွေနဲ့မျက်ဝန်းလှလှတစ်စုံ၊ စင်းနေသောနှာတံတွေ၊ စွဲမက်ဖွယ်ကောင်းသောနှုတ်ခမ်းတွေနဲ့ ကိုကိုဟာအရမ်းချောလွန်းသည်။
မေးစေ့အောက်က မှဲ့လေးကလည်း တမူထူးစွာ ကိုကိုအလှကိုပံ့ပိုးပေးနေ၏.
ရိပေါ်ကြည့်နေရင်းမှပင် သဘောကျစွာပြုံးလိုက်သည်။ဒီလိုထူးထူးခြားခြားချောတဲ့ကိုကို့ကို ရထားသည့်အတွက်သူကံကောင်းသည်။လူတိုင်းကမခေါ်နိုင်တဲ့ ကိုကိုဆိုတဲ့အသုံးနှုန်းကိုရိပေါ်ပြောခွင့်ရသည်။ပြီးတော့ ကိုကိုက ရိပေါ်အပေါ် ဆက်ဆံရေးတွေအရမ်းပြောင်းလဲလာပြီး ထိုအရာတွေက ရိပေါ် ကို အမြဲတမ်းစိတ်လှုပ်ရှားစေ၏။
ရိပေါ်ကြည့်နေရင်းမှာပင် ကိုကို့မျက်ခွံလေးတွေအသာလှုပ်လာတာမို့ ကမန်းကတမ်းမျက်လုံးမှိတ်ပြစ်လိုက်သည်။
ကိုကိုသာ သူ..ခိုးကြည့်နေတာမိသွားခဲ့ရင် ရှက်လွန်းလို့ရိပေါ် ထွက်ပြေးမိလိမ့်မည်။
ဘေးအိပ်ယာပေါ်မှ နဲနဲလေးလှုပ်ရှားသွားသည်။
ရိပေါ် မျက်လွှာကိုအသာချလျက် အသက်တောင်ဖြောင့်ဖြောင့်မရှူရဲ။ရှောင်းကျန့် လည်း သူမျက်လုံးဖွင့်ဖွင့်ခြင်းမှာပင် အနီးကပ်ရှိနေသော မျက်နှာလေးကို ခနငေးနေလိုက်သည်။
ဝမ်ပေါက်စလေးက တကယ်ကိုချစ်ဖို့ကောင်းပါတယ်။
အိပ်နေတဲ့အချိန် ကလေးလေးနဲ့တူသလို နိုးနေတဲ့အချိန်တွေမှာလည်း ဂျစ်ကန်ကန် ပုံစံလေးနဲ့မို့ သူအူယားရတယ်။သူကြည့်နေတုန်းမှာဘဲ မျက်ခွံမို့မို့လေးတွေက တဆတ်ဆတ်တုန်ခါနေသောကြောင့် သူအနားကပ်သွားလိုက်သည်။
အသက်ရှုသံတိုးတိုးလေးမှလွဲ တခြားလှုပ်ရှားမှုမတွေ့ရတာမို့ ထို မျက်ခွံမို့မို့လေးတွေကို သူ့နှာခေါင်းဖျားနဲ့ အသာတို့လို့ နမ်းရှိုက်လိုက်သည်။