Oops! This image does not follow our content guidelines. To continue publishing, please remove it or upload a different image.
────────── ✦ ✾ ✿ SARILING SAPOT ✿ ✾✦ ──────────
Narito ako, yakap ang mga tuhod Mistulang naliligaw habang dilim ay pinapanood Ako'y nakabukod, pagsuko'y ginawang bakod "Ayos lang ako," salitang naglalaman ng pagod
Hindi ko mawari kung saan ang lokasyon Saan nga ba matatagpuan ang tamang rason? Kawalan sa aking loob, unti-unti akong nilalason Aking liwanag, nasaan ang tamang direksiyon?
Ako'y tumayo, lumapit sa salamin Aking katauhan, sinimulan kong hanapin Ngunit nabigo, lumuha ang damdamin Hindi ko kilala ang taong tumingin sa akin
Kasiyahan ang dahilan ng ating pagngiti Sa umaga, tanghali, masaya ka dapat palagi Subalit hiram na ngiti ang pumorma sa'king labi Sa paglubog ng araw, kailangan ko 'yong isauli
Walang luha ngunit umiiyak nang husto Sumisigaw nang tahimik, kahit hindi ito gusto Sa bawat pagpikit, utak ay nanunukso Ano ba ang dapat maramdaman ng aking puso?
"Hindi ko alam," ang posibleng sagot Bagong ako'y hinulma nitong kilalang sapot Mula sa walang-katapusang takot at kilabot Pagkakakilanlan niya'y bigla na lamang sumulpot
