Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
────────────────────── ✦ ✾ ✿ ANG PANGHABANG-BUHAY NA PAKSA NG SAWING MAY-AKDA ✿ ✾✦ ──────────────────────
Ramdam ko pa rin hanggang ngayon Ang panulat na to'y sa'yo pa rin nakatuon Nakalinyang kataga'y nakaayon pa rin sa kahapon Pamagat ng aking tula'y sa'yo pa rin tumutugon
Sa bawat letra, luha ang ginamit na tinta Ang bawat tugma'y tinig ng nalagas mong salita Sa bawat taludtod, hagulgol ng naglahong pagsinta Sa nabuong saknong, nasirang tayo'y ipinakita
Mistulang sinulid ang pagguhit nitong panulat Itinahi sa papel, nakaraan ng manunulat Sa mga sagot na 'di sapat, tuldok ang lumapat Bakit natapos ang lahat sa simpleng 'salamat'?
Tayo ay konsepto ng nagwakas na pagkakataon Lumipas na, tinapos na, dinaanan na ng panahon Subalit ikaw pa rin ang paksang 'di ko magawang ikahon Ang nasawing pag-ibig na sa tula ay aking ibinaon
'Ikaw ang panghabang-buhay na paksa ng sawing may-akda'
