Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
───────────── ✦ ✾ ✿ KADENA NG PANGAKO ✿ ✾✦ ─────────────
Isang alaalang naging panaginip Patuloy sa pagbisita sa loob ng isip Sa pagtatapos ng ilang saglit na pag-idlip Sarili'y nagising sa madilim na yungib
Ang tumalikod ay 'di maaaring gawin Ito ang rason at naging tungkulin Itinanim sa isip, ito'y dapat tahakin Isang direksyong hindi kayang baguhin
Maliit na boses, patuloy sa pagpupumiglas Mula sa tali ng salita'y gustong makatakas Sa ingay ng katahimika'y nauubos ang lakas Alingawngaw lamang ang tanging nakakalabas
Kadena ng pangako'y aking hahayaan Matiik man ako'y handang mahirapan Tutuparin ang pangakong binitiwan Labag man ito sa aking kagustuhan
Patuloy akong magiging alipin Patuloy ding maghihintay na sagipin Sa loob ng dilim, sana'y magawang hanapin Isang liwanag na kaya akong palayain
