Oops! This image does not follow our content guidelines. To continue publishing, please remove it or upload a different image.
───────────── ✦ ✾ ✿ KALSADA NG DISTANSYA ✿ ✾✦ ─────────────
Mula sa aking pwesto, ika'y namataan Nais humakbang patungo sa'yong kinaroroonan Subalit anumang lakad, ika'y 'di mapuntahan Daan patungo sayo'y mistulang walang katapusan
Lokasyon mo'y nais kong marating Nais kang hagkan at makapiling Makamtan ka'y nag-iisa kong hiling Ngunit espasyo sa pagitan natin, sa'n ba nanggaling?
Anumang habol ko'y walang nagbabago Sa kalsadang ito, mas lumalawak ang layo Kailan ba mararating ang inaasam kong dulo? Kailan ba magkakatagpo ang ikaw at ako?
Puwang sa isa't isa'y 'di tayo pinagbubuklod Agwat nating dalawa'y pilit tayong pinagbubukod Ako'y narito, nananatili sa'yong likod Sa malawak na daan, ako'y patuloy na sumusunod
Kung hanggang kailan, hindi matantiya Ika'y aabutin sa abot ng makakaya Kung hanggang saan, iisa ang pasiya Aking tatapusin, kalsada ng distansya
'Ika'y pupuntahan sa dulo ng walang hanggang daan'
