Oops! This image does not follow our content guidelines. To continue publishing, please remove it or upload a different image.
─────────────── ✦ ✾ ✿ SI UNA, ANG PANGHULI ✿ ✾✦ ───────────────
Kung aking babalikan, bakas ng paa sa buhangin Aking matatanaw, mga iginuhit na hangarin Nais kong isaulo ang yapak ng dating mithiin Ngunit ito'y binura ng alon nang umihip ang hangin
Sa librong binabasa nakasalalay ang kinabukasan Bawat numero ng pahina'y gumuguhit ng kalakasan Subalit ayon sa bituin, titulo ko'y dapat magbigay-daan Ibahin ang direksiyon, upang kadugo'y mabigyan ng daan
Sa aking palad, responsibilidad ay sadyang nakasulat Prayoridad ay hindi sarili, kundi ang bukas ng lahat Sa bulsa'y itatago na lamang, pangarap na 'di sapat Handang pasanin sa balikat, ito man ay mabigat
Salapi ng kanilang alkansiya'y dapat kong punan Pitaka para sa pangala'y mawalan man ng laman Kamay ay handang tumulong, handang maubusan Sila'y mabigyan lamang ng kongkretong kinabukasan
Marahil alam ng lahat ang aking ngalan, ang aking buhay Ako ang panganay, ang nauuna sa aming hanay Ang Ate, ang Kuya, ang inaasahan sa bahay Ang dapat magtagumpay, ang bawal sumablay
"Kung ako'y magbibilang sa daliri, si Una ang panghuli."
