Oops! This image does not follow our content guidelines. To continue publishing, please remove it or upload a different image.
───────── ✦ ✾ ✿ KASAYSAYAN ✿ ✾✦ ─────────
Kasaysayang puno ng nakaraan Panahong binuo't pinagsaluhan Alaalang tanda ng pinagsamahan Hawak-kamay niyo itong sinimulan
Ang 'dati' ng lumipas na panahon Ang kahapong binubuo ng mga 'noon' Saklaw pa rin ng ating pagkakataon Patuloy na nabubuhay sa ating 'ngayon'
Kasaysayang hindi matatapatan Alaalang hindi kayang palitan Katotohanang nais na higitan Imposible pa ring malagpasan
Kay hirap abutin ng salitang 'kayo' Ang 'ikaw at siya' na inyong binuo Hindi kayang tumbasan ng 'ikaw at ako' Kay layo ng agwat sa salitang 'tayo'
Kasaysayan ngunit buhay sa kasalukuyan Lumipas ngunit 'di nawala nang tuluyan Ang umuusad na panaho'y 'di magawang lubayan Pilit na sumusunod, anino ng kasaysayan
