Oops! This image does not follow our content guidelines. To continue publishing, please remove it or upload a different image.
───────── ✦ ✾ ✿
ARAW AT BUWAN
✿ ✾✦ ─────────
Sa maitim na himpapawid
Liwanag ko'y umaaligid
Sa maaliwalas na paligid
Presensiya mo'y mababatid
Isa't isa'y nagniningning
Sa nakatakdang paggising
Ngunit oras ang papaling
Sa pag-asa ng ating hiling
Sa pagdilim ng langit,
Liwanag mo'y aking sambit
Sa tuwing gabi'y sasapit,
Sa iyong ilaw ko nais kumapit
Sa asul na alapaap
Liwanag ko'y iyo ring hanap
Nais damhin parehong yakap
Ngunit malabo ating pangarap
Ang oras na saglit
Patuloy na ipinipilit
Pagkakatao'y ipinagkakait
Upang tayo'y 'di magkalapit
Sa mga matang pumipikit,
Pangarap ba ay nakakamit?
Ang hiling na palaging sambit
Posible kayang masungkit?
Paano ba tayo magkakalapit?
Paano ba ako sa'yo makakalapit?
Bakit ang tadhana'y mapanakit?
Maghihintay nalang ba ako at pipikit?
'Ikaw ang araw at ako ang buwan sa magkaibang langit'
☘ Zev
~THE VLACK KOSMOS~
(Kabanata 7)
YOU ARE READING
𝗠𝗚𝗔 𝗧𝗨𝗟𝗔
Poetry"Sa likod ng bawat tula ay may nakatagong kwento ng mga salita" Collection of MissNDpain's poems (▰◕◡◕▰)
