Oops! This image does not follow our content guidelines. To continue publishing, please remove it or upload a different image.
──────────── ✦ ✾ ✿ SAPLOT NG HAPLOS ✿ ✾✦ ────────────
Sa huni ng lagim, ako'y napalingon Ngisi sa dilim, nakakakilabot na reaksyon Iniwas ang tingin, inilipat ang atensyon Sa daang tinahak, ako'y binalot ng tensyon
Sa bawat pagliko, siya'y nakabuntot Naririnig ang yabag, anino ng kilabot Puso'y kinabahan, dumagundong sa takot Kinatatakutang paglapit, 'di na naudlot
Patalim ng pananakot, kaniyang dinukot Itinutok sa akin, kamay ko'y hinablot Hindi nakagalaw, damit ay nilukot Yakap ng kayamuan, sa akin ay isinuot
Ako'y kinaladkad, hinila sa buhok Dinala sa tago, isang sikretong sulok Imahe ng dahas, mata'y sa'kin nakatutok 'Di makaalpas, anuman ang gawing subok
Makasalanang kamay, ako'y iginapos Bawat parte ko'y pinasadahan ng haplos Impit na sigaw, boses ko'y napapaos Sa bawat galaw, mainit na luha'y bumubuhos
"Tama na!", sigaw ng pagmamakaawa Umiiyak na tinig, tenga'y 'di handang umunawa Kasabika'y nag-uumapaw, mata'y walang pagsasawa Pag-asa'y naubos, tuluyan nang walang nagawa
Sa aking paggising, nakamit ang katapusan Isang panaginip, alaala ng karimlan Sugat sa pagkatao, peklat ng nakaraan Habang-buhay na dala, araw-araw kong nararanasan
Maayos na pananamit ay hindi sagot Maiksi, mahaba, anuman ang 'yong suot Kasamaan, nariyan, patuloy na bumabalot Nagbabadyang karahasan, nasa tao ang gusot
'Ako'y habang-buhay na nakagapos suot ang saplot ng haplos'
