အပိုင်း ၅ [ အခန်း 1303 ] (5)
⟨⟨အလုပ်အကြောင်းအရာ⟩⟩
လင်ပန့်ရှသည် ညအချိန်တွင် အိပ်ခန်းထဲ အေးအေးဆေးဆေး ကုန်ဆုံးခဲ့သည် ။ ညသည် ငြိမ်းချမ်းနေပြီး ဘာမှမဖြစ်ခဲ့ပေ ။
နောက်နေ့မှာတော့ သူခွန်အား ပြည့်ဝစွာ နိုးထလာခဲ့သည် ။ ဆေးကြောလိုက်ပြီး အလုပ်သွားရန်အသင့်ဖြစ်ချိန်တွင် ကျိလဲ့ရွှေ အား ဖုန်းဆက်လိုက်သည် ။
ဖုန်းဟာ အကြာကြီးဝင်နေပေမယ့် တစ်ယောက်မှမကိုင်ခဲ့ပေ ။ လင်ပန့်ရှ စိုးရိမ်နေချိန်မှာ တစ်ဖက်က ကျိလဲ့ရွှေရဲ့ တိုးဖွနေတဲ့အသံကို ကြားလိုက်ရသည် ။
ကျိလဲ့ရွှေ ဖုန်းဖြေလာတာကို ကြားတဲ့အချိန် လင်ပန့်ရှ စိတ်သက်သာရာရသွားပြီး ပြောလိုက်သည် ။ "မင်္ဂလာနံနက်ခင်းပါ မနေ့ညက အိပ်ရတာ အဆင်ပြေရဲ့လား?"
"ကောင်းပါတယ်"
ကျိလဲ့ရွှေရဲ့မပီမပြင် အသံအရ သိပ်မကောင်းသလိုပင် ။
လင်ပန့်ရှမှဆိုသည် "ငါဒီနေ့ အလုပ်သွားရမှာမလို့ မနက်ဖြန်မှ မင်း ပစ္စည်းတွေ ပို့လိုက်မယ်နော်"
"ဟုတ်ပြီ"ကျိလဲ့ရွှေမှဆိုသည် ။
လင်ပန့်ရှမှ ဆိုသည် "အသံက ဘယ်လိုလုပ် အားမရှိသလိုဖြစ်နေရတာလဲ?"
"မဟုတ်ပါဘူး" ကျိလဲ့ရွှေက ဗလုံးပထွေး ပြော လာသည် ။ "ငါအတော်လေး အဆင်ပြေပါတယ် မင်းသွားလေ ပစ္စည်း တွေကို ငါ့ဆီလာပို့ဖို့ မလိုဘူးနော်"
လင်ပန့်ရှက ဟိုဟိုဒီဒီ စကားဆက်ပြောချင်သော်လည်း ဖုန်းကျသွားပြီဖြစ်သည် ။
လူကြီးတွေအတွက် ဝမ်းနည်းစရာ က ဘယ်လောက်ပဲ ကြောက်စရာကောင်းတာတွေကို ကြုံခဲ့ကြုံခဲ့ အလုပ်ကို မဖြစ်မနေ သွားရမည်ပင် ။ လင်ပန့်ရှ၏ အလုပ်က အနည်းငယ်ထူးခြားလေသည် ။ ရေခဲတိုက် ၊ အသုဘခန်း နှင့် ပတ်သက် နေသည် ။ အသုဘခန်းနှင့် ဆက်နွယ်မနေသော်လည်း သူ့ရဲ့အချိန် တော်တော်များများကို မတော်တဆများစွာမှာ ပျက်စီးနေတဲ့ခန္ဓာကိုယ်များအား ရေခဲတိုက်သို့ ပို့ရသည် ။
တိုက်ပေါ်ကနေ ခုန်ချတဲ့ အပိုင်းပိုင်းဖြစ်နေသော အလောင်းများမှာ သာမန်သာဖြစ်သည် ။ အဆိုးဆုံးအလောင်းများမှာ ဆိုးဆိုးရွားရွားတိုက်ခံရတဲ့ ကားမတော်တဆဖြစ်ပြီး တူနှင့်အထုခံထားသကဲ့သို့ ကြည့်မကောင်းပေ ။
YOU ARE READING
အရိုးစုသရဲပန်းချီ「骷髅幻戏图」
Horrorအရိုးစုသရဲပန်းချီ「骷髅幻戏图」kūlóuhuànxìtú ခူးလိုဟွမ့်ရှိထူ စာရေးသူ - 西子绪 ရှီးကျစ်ရွှိ အပိုင်းပေါင်း - ၁၁၄ ပိုင်း + အချပ်ပို ၇ ချပ် ထွက်ရှိခဲ့သည့်နှစ် - 2020 မူရင်း - jjwxc ကျင့်ကျန်းစာပေမြို့တော် ဗမာဘာသာပြန် ________________________ အ႐ိုးစုသရဲပန္းခ်ီ「...
