အပိုင်း ၂၁ [ မရဏပျော်ပွဲ ] (3)
⟨⟨ခေါင်းတလားထဲကပုံပြင်⟩⟩
ရုတ်တရက်မတော်တဆဖြစ်သွားတာကြောင့်ဈာပနတစ်ခုလုံးရှုပ်ထွေးသွား၏ ။ လူတွေကဒီလိုရက်စက်လှတဲ့အဖြစ်ကိုအရမ်းမြန်မြန်လက်ခံလိုက်ရတာကြောင့်သေသွားတဲ့သူကိုအမြန်သယ်သွားကြသည် ။ အသုဘတီးလုံးသံကနောက်တစ်ခေါက်ထပ်မြည်လာပြန်၏ ။ အဖြူဝတ်ထားတဲ့လူတွေကမိုးရေထဲဝေဝါးနေတဲ့တစ္ဆေတွေအဖြစ်ပြောင်းသွားသလို ဖြေးဖြေးချင်းအရှေ့ကိုသွားနေပြီးမမြင်ရအောင်နစ်မြုပ်သွားသည် ။
လင်ပန့်ရှနဲ့စုန့်ချင်းလော်တို့ကအသံမထွက်ရဲပဲလူအုပ်ဝေးဝေးကိုရောက်တော့မှလင်ပန့်ရှအသံတိုးတိုးနဲ့ဆိုတယ် : "ဘယ်လိုလုပ်ရုတ်တရက်သေရတာလဲ?"
စုန့်ချင်းလော်မျက်မှောင်ကျုံ့လိုက်၏ ။
"တကယ်ပဲကျိန်စာရှိနေတာလား?" လင်ပန့်ရှတုံ့ဆိုင်းတုံ့ဆိုင်းနဲ့ဆိုတယ် : "မဟုတ်ရင်ဒါကလည်း........သိပ်တိုက်ဆိုင်လွန်းတယ်"
စုန့်ချင်းလော်ကဆိုတယ် : "သူတို့ကိုဂရုမစိုက်နဲ့ အရင်သုဿန်ကိုသွားကြည့်ရအောင်"
နှစ်ယောက်ကအသုဘပို့တဲ့အဖွဲ့နဲ့တိုးမှာစိုးတာကြောင့်လမ်းကျယ်ကမသွားပဲပေါင်းပင်ထူထူကြားကနေဖြတ်လာလိုက်တယ် ဆယ်မိနစ်ကျော်လောက်သွားပြီးနောက်မှာသူတို့ရှာချင်တဲ့သုဿန်ကိုမြင်လိုက်ရ၏ ။
လင်ပန့်ရှသုဿန်ရဲ့မြင်ကွင်းကိုတွေ့လိုက်ချိန်မထိန်းနိုင်ပဲသက်ပြင်းချမိလိုက်တယ်မျက်စိရှေ့ကနေရာကသုဿန်လို့ပြောပေမယ့်အစုအလိုက်အပြုံလိုက်ပစ်ထားတဲ့သုဿန်လို့ပြောရင်ပိုလိုက်မယ်
လူသေသိပ်များတာကြောင့်သုဿန်ကိုလာလို့မနိုင်တော့ပေ ။ အဲ့ဒါကြောင့်အခေါင်းအများစုကမြက်တောင်ပေါက်နေပြီးလမ်းဘေးမှာပဲချထားသည် ။ အသုဘလိုက်ပို့တဲ့အဖွဲ့ကလည်းအဝေးကနေရောက်လာပြီး သူတို့ရဲ့ပခုံးပေါ်မှာအခေါင်းအသစ်တွေကိုထမ်းထားပြီးသုဿန်ရဲ့ထောင့်မှာချလိုက်သည် ။ ဈာပနသီချင်းကတဖြည်းဖြည်းဝေးသွားပေမယ့်စော်နရဲ့တီးတီးတားတားအသံကအရင်အတိုင်းနားဘေးမှာလာမှုတ်နေသလိုပဲ
YOU ARE READING
အရိုးစုသရဲပန်းချီ「骷髅幻戏图」
Horrorအရိုးစုသရဲပန်းချီ「骷髅幻戏图」kūlóuhuànxìtú ခူးလိုဟွမ့်ရှိထူ စာရေးသူ - 西子绪 ရှီးကျစ်ရွှိ အပိုင်းပေါင်း - ၁၁၄ ပိုင်း + အချပ်ပို ၇ ချပ် ထွက်ရှိခဲ့သည့်နှစ် - 2020 မူရင်း - jjwxc ကျင့်ကျန်းစာပေမြို့တော် ဗမာဘာသာပြန် ________________________ အ႐ိုးစုသရဲပန္းခ်ီ「...
