အရိုးစုသရဲပန်းချီ「骷髅幻戏图」

အပိုင်း ၆၈ [ အိမ်မက် ] (14)

အပိုင်း ၆၈ [ အိမ်မက် ] (14)

⟨⟨နယ်နိမိတ်⟩⟩

စုန့်ချင်းလော်ဒေါသထွက်သွားသည်။လင်ပန့်ရှလက်ထဲကဘောပင်ကိုယူလိုက်ပြီးဒေါသတကြီးဆိုသည် : "မင်းဘာလုပ်တာလဲ??"နီရဲရဲသွေးများဟာလင်ပန့်ရှလက်က‌နေအဆက်မပြတ်စီးကျနေလျက်စုန့်ချင်းလော်ရဲ့လက်ဖဝါးထဲတွင်အပြည့်ဖြစ်သွားသည်။

လင်ပန့်ရှမှာအသိစိတ်မရှိသလိုမျိုးရှုပ်ထွေးတဲ့အကြည့်နဲ့စုန့်ချင်းလော်ကိုကြည့်နေသည်။နာကျင်နေတဲ့လက်ကိုမြှောက်လိုက်ပြီးစုန့်ချင်းလော်၏မျက်နှာကိုနူးညံ့စွာထိကိုင်လာသည်။လက်ကခံစားချက်ကစစ်မှန်နေပြီးနူးညံ့နွေးထွေးနေလျက်အရေပြားမှထိတွေ့ခံစားချက်ကိုခံစားရသည်။ဒါကတကယ်ပဲအိမ်မက်တစ်ခုလား?ဒါမှမဟုတ် ခုနကတင်တွေ့ကြုံခဲ့တာတွေအကုန်လုံးကထင်ယောင်ထင်မှားတွေလား?

ဒီအတွေးကလင်ပန့်ရှခေါင်းထဲပေါ်လာသည်။ဒီအတွေးကိုအမြန်ထိန်းချုပ်လိုက်ပြီးတိတ်တဆိတ်နဲ့အပြင်ထွက်ဖို့လုပ်သည်။

စုန့်ချင်းလော်ကတားဖို့လုပ်ပေမဲ့လင်ပန့်ရှကတိုးတိုးသာပြောသည် : "ထွက်သွားပေး"

စုန့်ချင်းလော်ရဲ့အမူအရာကနှေး‌သွားသည် : "မင်းရဲ့လက်က သွေးထွက်နေတုန်းပဲ"

"ဒါဆိုလည်းထွက်ခိုင်းလိုက်ပေ့ါ ဒဏ်ရာလေးပဲဟာ မသေနိုင်ပါဘူး"

စုန့်ချင်းလော် : "........"

လင်ပန့်ရှမျက်ဝန်းထဲကအေးစက်မှုကြောင့်စုန့်ချင်းလော်လည်းထပ်မတားတော့ပဲထွက်ခွင့်ပြုလိုက်သည်။လင်ပန့်ရှလည်းစာသင်ခန်းထဲမသွားတော့ပဲအဆောင်ဆီပြန်လိုက်သည်။ပထမအိမ်မက်တုန်းကသူအဆောင်မှာအိပ်နေတာကိုမှတ်မိတယ် အဲ့ဒီကအခြေအနေကပတ်ဝန်းကျင်နဲ့ဘာမတူလဲဆိုတာမသိ

အဆောင်ပြန်ရောက်တော့ ထောင့်တစ်ခုစီတိုင်းကိုလင်ပန့်ရှစစ်ကြည့်လိုက်သည်။ရှိနေတဲ့အရာအားလုံးကကိုယ့်မှတ်ဉာဏ်ထဲကနဲ့တစ်ပုံစံထဲရှိနေသည်။ဒါပေမဲ့တွေးကြည့်မယ်ဆိုရင်ပုံမှန်ပါပဲ ဘာလို့လဲဆိုတော့သူရှိနေတဲ့နေရာကကိုယ့်အိမ်မက်ထဲမှာလေ အိမ်မက်ဆိုတာမှတ်ဉာဏ်ကနေဖွဲ့စည်းထားတာဆိုတော့အထဲကအရာအားလုံးကသူ့မှတ်ဉာဏ်နဲ့တူနေမှာပဲ