Cry In A Cold City [Baguio Series #1]

Chapter 5

Chapter 5 

Nakangiti ako sa first day ng prelims namin. Hindi ko alam kung bakit o dahil siguro sa dm sa akin kagabi ni Jonas. Syempre sino ba namang hindi gaganahan kung nag-good luck sa'yo si crush? Feeling ko pasado ako.

"Oh? Ngiting-ngiti ka ah?" Pagpuna sa akin ni mama. Kakatapos lang namin kumain, mabuti nalang at naliligo na si Papa kung hindi pati siya ay magtataka. 

"In-start ko lang po na masaya ang araw ko para pasado ako sa exams." Ngiting sagot ko kay mama. Tumango-tango siya pagkatapos ay bahagyang umiling. 

"Nako. Baka in-love ka lang at hindi mo pa sinasabi sa amin ah!" May halong pagtatampo ang boses niya. 

"Ma! Bawal bang maging masaya?" Pinakitaan ko pa siya ng mawalak na ngiti kaya bahagya siyang natawa. 

"Iba yung kislap ng mga mata mo. Basta enjoy-in mo lang. Kapag nasaktan ka, iyak ka sakin. Handa akong makinig sa'yo." Lalong lumawak ang ngiti ko sa sinabi ni mama kaya niyakap ko siya bago magpaalam. 

Nag-abang na ako ng jeep papunta sa town. Maaga talaga akong pumapasok para hindi ako datnan ng traffic sa may bokawkan hanggang town. 

Pagkababa ko sa market ay naglakad nalang ako papuntang UB, malapit nalang din naman. Sayang ang nine pesos kung mamasahe pa ako. Ang nakakapagod lang, paakyat kasi kaya instant hiking ang ganap. Pero ayos lang din dahil para na akong nakapag exercise. 

Pagdating ko sa classroom, bumungad sa akin si Gail na naglalagay ng lip tint. Ngumiti siya sa akin tiyaka bumati ng good morning. Tumabi na ako sakaniya, himala at wala pa si Iverson. 

Nakaugalian na naming hindi magbasa hour before the exam para marelax ang utak namin. Pero syempre kaninang madaling araw ay nakapagbasa na kami. 

Nagkukuwento si Gail sa akin pero kakaiba ngayon. Nagkukuwentuhan kami tungkol sa nireview namin para kahit papano ay marefresh ang utak namin. Minsan may nakakalimutan ako na naalala ko kapag nagkukuwentuhan na kami. 

Dumating si Iverson sa room tiyaka umupo sa tabi ko. Bali nasa gitna nila akong dalawa ni Gail. 

"Nalate ka ah?" Puna ko sakaniya. Lagi kasing maaga sa amin si Iverson lalo na kapag exam day. 

"Hinatid ko pa kasi si Averianne sa SLU lab elem. Nalate ng gising," kibit-balikat na sagot ni Iverson. Averianne, his younger sister. Grade 2 palang iyon pero kasama na sa honor roll ng SLU siya pa nga ang top sa klase nila, mana sa kuya. 

Nag-start na ang exam namin. Tahimik lang kaming sumasagot-sagot hindi kagaya ng nasa likod ko na pasipa-sipa pa sa sahig dahil siguro nakalimutan ang ang sagot. 

Hindi rin kami nagkokopyahan nina Gail, hindi kasi biro ang course namin. Hindi ko nga alam kung bakit may cheating pa sa mga nasa premed or med school, buhay ang hawak namin sa mga susunod na araw at hindi biro iyon. So, why cheat? 

Naunang natapos sa amin si Iverson syempre, kaya nagpasa na siya ng papel niya. Kinuha na niya ang bag niya para lumabas. Hindi kasi pwedeng mag stay sa loob kapag nakapagpasa ka na. Panigurado hinihintay na niya kami sa labas. May exam pa kami mamaya after one hour. 

Halos sabay kaming natapos ni Gail. Nauna nga lang siyang nagpasa sa akin. Tinapik niya ang balikat ko tiyaka sumunod kay Iverson. Nag double check pa kasi ako, baka may nakaligtaan akong number o kaya may mali akong nasagutan. Nang matapos kong i-check ay pinasa ko na rin. Kinuha ko na ang bag ko tiyaka lumabas. 

"That was not easy huh." Agad na rant ni Gail sa amin. Bumaba kami para pumunta sa seven eleven. May seven eleven kasi sa UB. 

Kumuha ako ng chuckie tiyaka sandwich. Sabi kasi nila chocolate is good for memory daw. Umupo kami sa isang upuan habang kumakain. Ayaw din naming pag-usapan ang mga tanong sa exam kanina dahil baka mastress lang kami kapag hindi kami pare-pareho ng sagot. Maapektuhan pa ang mga exam na hindi pa namin natetake.