Cry In A Cold City [Baguio Series #1]

Chapter 6

Chapter 6

"Inuman na!" Agad na sigaw ni Gail pagkaalis palang ng prof na nagbantay sa amin. Nagsihiyawan naman ang lahat. Bente sa amin ang sasama. The rest, mas gusto pa raw nilang magpahinga sa bahay. Gusto ko rin magpahinga, ang kaso lang nakabitaw na ako ng salita kay Gail. 

Syempre sa sasakyan kami ni Iverson sumakay, sa bahay muna kami nung kaklase namin dahil warm up muna raw. Sagot na niya ang alak dahil birthday salubong niya rin ngayon. Pagkatapos kapag medyo may tama na sila ay pupunta na sila sa amper para magsayaw. 

"Inom na inom na ako!" Wika ni Gail sa amin. Nasa back seat kasi siya samantalang nasa front seat ako. Mukhang excited na talaga siyang uminom. 

"Kumalma ka mamaya Gail ah!" Baka kasi shot lang siya ng shot. Mahirap pa naman alagaan si Gail. 

Nagpalit din kami ng suot kanina ni Gail sa CR ng school. Nakasuot siya ngayon ng shorts short at crop top na off shoulder. Samantalang fitted jeans at fitted na crop top lang ang suot ko. Naka gray shirt and jeans lang si Iverson. 

"I can't promise that! Ang tagal ko na kayang hindi umiinom!" Natatawang sagot niya sa akin dahilan kaya napangiwi ako. Mukhang magiging nanay ako ngayong gabi kay Gail. 

Pagdating namin sa bahay ng kaklase namin. May pa disco light pa sa sala ng bahay. Habang may iba't-ibang klase ng alak. Wala rin kasi ang mga magulang niya dahil nasa business trip. 

Kaagad na nakihalo si Gail sa mga kaklase namin. Hindi ko na siya napigilan. In-on narin nila ang speaker kaya umingay na. May nakita naman akong spot na malapit sa kusina kung saan hindi masyadong maingay kaya pumunta na ako ron. 

Tinitingnan ko lang silang nagsasaya habang umiinom. Well, deserve naman din nila ang magsayaw after a hell week. Kinuha ko ang cellphone ko tiyaka sila pinicture-an sa malayo. In-add ko ito sa IG story ko.

Nag caption naman ako ng "@GailyGirl drink responsibly please" 

Napaangat ako ng tingin ng makita nang inalok ako ng inumin ni Iverson. Juice lang naman ang iyon kaya tinanggap ko na. Umupo siya sa tabi ko habang tinitingnan ang mga kaklase namin. 

"Ang wild na nila, wala pa sila sa amper." Nakangusong wika ko sakaniya. Mukhang sasakit ang ulo ko kay Gail. 

"Kahit nga huwag na silang mag amper dahil may music and lights naman pala dito." Sagot sa akin ni Iverson. 

Natatangi kaming dalawa ang nakahiwalay sakanila habang nagkakasiyahan sila. May iilan pa na pumupunta sa kusina pagkatapos ay niyaya kaming dalawa pero humihindi kami. Isang oras na sigurong ganon hanggang sa in-stop ang music kaya napatingin ako sakanila nang nagtataka pero naghihiyawan sila. 

"May bagong laro tayong gagawin!" Sigaw ni Mark kahit na may mikropono na siya kaya nagsigawan ang lahat. Si Mark ang may-ari ng bahay at siya rin ang magbibirthday. 

"Bagong-bago 'to guys!" Medyo tipsy na sabi niya pa "Truth or dare or shot?!" Agad na nagsigawan na parang ngayon lang narinig ang game na iyon "Bawal ang KJ! Lahat tayo kasali! Pati iyong dalawang nasa kusina!" Sabay tingin sa amin ni Mark.

Umiling ako kaso nangunguna si Gail sa mga kaklase namin na papunta sa amin para hatakin kami. Wala na rin kaming nagawa ni Iverson kung hindi magpahatak. Naupo na kami sa sala habang may bote sa gitna namin. Hindi na rin sila nagpatugtog para magkarinigan kami. Halos tipsy na ang lahat kasama na si Gail, ang iba ay may tama na talaga. 

May tequilla at lemon sa lamesa. Iyon siguro ang isho-shot. May kaniya-kaniya rin kaming shot glass. Hindi ko alam kung magandang ideya ba ito. 

"Isang rules: bawal mag ishot ang shot na dapat ay para sa kaklase," wika ni Mark bago magsimula ang laro.