Cry In A Cold City [Baguio Series #1]

Chapter 25

Chapter 25

Nawala ang atensiyon ko kay Iverson nang marinig kong tumili ang halos lahat ng mga ka-block namin. Pati na rin ang ibang block na mga nursing student. Tiningnan ko kung saan sila nakatingin dahil mukhang iisa lang ang tinitingnan nila.

I saw Jonas with his white long sleeve polo na nakatupi sa siko niya. Nakatayo ang buhok niya na bumabagay lalo sakaniya habang hawak-hawak ang isang bouquet. Hindi rosas, hindi chocolate. Kung hindi gamit sa medicine, katulad ng syringe, disinfectant, surgery mask, etc.

Nahihiyang tinanggap ito ni Gail tiyaka nagpa-thank you kay Jonas. Napaiwas ako ng tingin dahil sa kirot na naramdaman ko. Napatingin tuloy ako kay Iverson na seryosong nakatingin sa akin. Nginitian ko siya ng pilit.

"Don't smile if it's not real." Seryosong sabi niya sa akin. Naglaho ang ngiti ko sa sinabi niya. Naiilang ko siyang tiningnan dahil doon.

"A-ano nga ulit iyong sinabi mo kanina?" Nahihiyang tanong ko. Hindi ko napakinggan yung sinabi niya dahil naagaw ni Jonas ang atensiyon ko.

"I just want you to be happy." Bulong niya sa akin. Parang hinaplos ang puso ko sa sinabi niya.

"I'm happy!" Pangungumbinsi ko sakaniya. O pangungumbinsi ko sa sarili ko?

"Stop it," wika niya "Can you please let Jonas go?" Bulong niya dahil baka may makarinig.

"I will." Sagot ko sakaniya na may tipid na ngiti, at least hindi iyon pilit na ngiti.

"Hey! You guys gonna have date?" Masiglang tanong sa amin ni Gail habang papalapit. "Double date?" She ask.

Nagulat ako ng biglang kuhanin ni Iverson ang kamay ko para hawakan. Napatingin tuloy ako sakaniya dahil sa ginawa niya pero seryoso lang ang mukha niya.

"May date na kasi kami," pagdadahilan niya "Privacy?" He chuckled. Nag form naman ng 'o' ang bibig ni Gail dahil sa gulat.

"I knew it!" Masayang sambit niya sa amin tiyaka bahagyang pinisil ang beywang ko kaya naiilang akong ngumiti at napaiwas.

"Saan kayo? Sa John Hay kami." Ngiting sambit pa ni Gail. Hindi ko alam ang isasagot ko dahil wala akong alam sa plano ni Iverson, siya nalang ang hinayaan kong sumagot.

"LU." Namilog ang mata ko sa sagot niya. Akala ko sa may session lang o kaya sa sm o kaya sa town! La Union?

"Wow! Kung wala lang akong date ngayon, magtatampo ako sa inyong dalawa! Nakapagplano kayo ng wala ako huh?" Tumingin sa akin si Gail na para bang tinraydor namin siya. Nahihiya akong ngumiti tiyaka napatingin kay Jonas sa likuran niya na seryosong nakatingin sa amin.

"Actually it's his surprise!" Depensa ko agad, baka akala niya nagpaplano kami na hindi siya kasama. "Ngayon ko lang din nalaman, hehe." Ilang na sagot ko sakaniya.

"Ganon ba? Sige, una na kami at mukhang malayo pa ang biyahe niyo." Paalam niya sa amin.

Hinalikan na ako sa pisngi ni Gail tiyaka bahagyang tinulak ang dibdib ni Iverson bilang pang-aasar. Kumaway siya sa amin habang si Jonas ay tinanguan lang kami.

Nang makalayo sila ay kaagad kong hinarap si Iverson sa gulat.

"Ano? Anong LU? Wala akong alam!" Histerikal na wika ko. Akala ko babawiin niya iyon kaso.

"Unwind lang, kakatapos naman ng prelims," sagot niya sa akin.

Aangal pa sana ako kaso hinatak na niya ako pababa at palabas ng campus. Sumakay na kami sa sasakyan niya, hindi ako makapaniwala na pupunta talaga kami sa LU ngayon!

"Gulat na gulat ka ah?" Asar niya sa akin habang seryoso siyang nagdadrive.

"Tanga ka? Sinong hindi magugulat? Wala kang sinabing may gantong plano?" Pambabara ko sakaniya.