Cry In A Cold City [Baguio Series #1]

Chapter 29

Chapter 29

Natapos ang ceremony, gabi na. Katulad ng ginawa namin kanina nagkaroon sila ng pictorial magkakablock or with their friends. 

Bumaba ako sa bleachers para puntahan si kuya Nathan. Nabalot ko na rin ang regalo niya. I handed it to him with a big smile. 

"Congratulations!" Bati ko sakaniya. Ngumiti siya sa akin tiyaka niyaya akong magpicture. Nagpicture din kami kasama sina ate Nathalie at tita. 

"Buti nalang nakapunta ka, hindi ka ba pagod?" Tanong ni tita sa akin, ngumiti ako tiyaka umiling sa sinabi niya. "Nako, sabi ko na sa mga magulang mo na ayos lang kahit hindi na sila tumulong at magpahinga na para bukas kaso pumunta pa rin pala." 

"Opo, wala rin naman po silang gagawin sa bahay." Sagot ko. 

Luminga ako para mahanap si Jonas. Mabuti nalang at may kausap sa telepono si ate Nathalie kaya hindi niya ako masyadong napapansin. Nagpaalam si kuya Nathan kina tita tiyaka niya ako hinila palapit kina Jonas.

Walang emosyon kaming tiningnan ni Jonas, naiilang akong ngumiti sakaniya. Hindi naman ako si Gail, pero ako yung naguguilty dahil don. Hindi lang si Jonas ang iniwan niya ng clueless kung hindi pati kaming mga kaibigan niya. 

I handed him my gift. "Congratulations," nakangiting bati ko. Kinuha niya ang regalo ko tiyaka tumango sa akin. 

"Picture naman kayo." Sabay tulak sa akin ni kuya Nathan. Alam kong alam ni kuya na jowa ni Jonas si Gail, bakit niya pa kami pinupush? 

Wala akong magawa kung hindi ngumiti sa camera. Tumingin ako kay Jonas nang hindi ko alam ang sasabihin. 

"Ahm. Ah," hindi ko alam kung ano pa bang pwede kong sabihin. 

"Thank you." Walang emosyon niyang sabi tiyaka tinaas ang regalo ko sakaniya. 

"Ah wala iyon. Pang thank you na rin sa paglibri mo lagi sa akin tiyaka yung reviewers sa NMAT," tumango siya sa mahabang sinabi ko. Mukhang ayaw na niyang makipag-usap kaya sinenyas ko na pupunta na ako kina kuya "Ah una na ako, congrats ulit." 

Tumango lang siya sa sinabi ko tiyaka na ako dumeretso kina kuya Nathan. Sabay-sabay kaming pumunta kung saan nakapark ang kotse nila. Habang naglalakad kami ay kinakausap ako ni ate Nathalie. 

"Hey! I saw you earlier, sino yung lalaking nilapitan mo?" Nagulat ako sa tanong niya, akala ko hindi niya napansin ang paglapit ko kay Jonas kanina dahil may katawagan siya sa phone. 

"Ah. A friend." Tipid na sagot ko pero biglang nagpeke ng ubo si kuya Nathan sa sagot ko. Gusto ko tuloy umirap kung hindi lang ako nag-aalala ngayon kay Jonas. 

"Friend." Umuubo-ubo pa siya habang inuulit ang word na friend. 

"Is he really a friend?" Wala ako sa mood pahabain ang usapan dahil naba-bother pa rin ako sa mga mata ni Jonas magsimula kanina. 

"Yeah. He is Gail's boyfriend." Deretsong sagot ko. Napa "ow" ang bibig ni ate dahil sa sinabi ko. 

"But they broke up earlier, didn't they?" Nakuha ni kuya ang atensiyon ko. They didn't break! 

"They didn't." kontra ko sakaniya. Kumunot ang noo niya na tila ba naguguluhan sa sinabi ko. 

"But Jonas said earlier to me they broke up." kibit-balikat na sabi nito sa akin. 

Nagmessage ba sakaniya si Gail? Ang alam ko sa last message sakaniya ni Gail wala naman siyang binanggit na break na sila. Or nagkaroon sila ng conversation after that? Pinagkibit-balikat ko nalang ang tanong na bumubuo sa isipan ko.