Unicode
အဖေ့ကို ပြောထားတဲ့အတိုင်း Companyကို သွားဖို့ရာ ပြင်ဆင်ရတော့သည်။ နို့မို့ဆို တစ်ယောက်တည်း လွတ်လွတ်လပ်လပ် နေရမယ့် အခွင့်အရေးလေး ပျောက်ကွယ်သွားပေအုန်းမည် ဖြစ်သည်။ မဖြစ်ဘူး....တစ်ယောက်တည်း နေရတဲ့ လွတ်လပ်မှုကို ဘာနဲ့မှ မလဲနိုင်ဘူး။
Jeon Groupက ဟိုတယ်ခရီးသွား လုပ်ငန်းပိုင်းကို အဓိကထား လုပ်ဆောင်တာ ဖြစ်သည်။ ကိုရီးယားမှာတင်မဟုတ်ဘဲ တခြားနိုင်ငံတွေအထိပါ ချဲ့ထွင်ထားသော Mr.Jeonရဲ့ အမျှော်အမြင် ကြီးမားမှုကြောင့် Jeon Groupက တစထက်တစ ကြီးမားလာတာဖြစ်သည်။
ကိုရီးယားပြည်သူတွေ တခြားနိုင်ငံကို အလည်အပတ်ခရီးသွားနိုင်ဖို့ရာ အတွက် ပြည်ပမှာ ရှိတဲ့ Jeon Groupပိုင် Hotelတွေနဲ့ ချိတ်ဆက်ပေးထားသည်။ ခရီးသွားဖို့ရာအတွက် Packageလေးတွေကို အသေးစိတ်ကအစ စီစဥ်ပေးထားတော့ တခြားနိုင်ငံသွားပြီး ယောင်ချာချာ ဖြစ်မှာမျိုးလည်း ပူစရာ မလိုတော့ဘူးဆိုတော့ ခရီးသွားရတာ နှစ်သက်သူ အများအပြားက Jeon Groupနဲ့ Joinကြတာ များသည်။
ဒီလိုပဲ..ပြည်ပနိုင်ငံသားတွေ ကိုရီးယားကို အလည်အပတ်လာတဲ့အခါမျိုးကျရင်လည်း လှည့်လည်ပြသပေးဖို့ Tour Gideတွေထားပေးထားပြီး Hotelမှာလည်း အဆင့်မြင့် ပြင်ဆင်မှုများဖြင့် Customerတွေ စိတ်ကြိုက်ဖြစ်နေစေရသည်။
Companyသို့ ရောက်ရောက်ချင်း သူ့ကို ခရီးထွက်ဖို့ ပြင်ခိုင်းတဲ့ အဖေဖြစ်သူ ဥက္ကဌJeonကို နားမလည်တော့ပေ..။
သူ့ကို အရက်ပဲသောက် ပျက်စီးနေတယ်ဆိုပြီး အလုပ်ကို အတင်းလာခိုင်းသည်။
အလုပ်လာတဲ့နေ့မှာပဲ ဘူဆန်မှာ Hotelဆောက်ဖို့အတွက် မြေနေရာ အခြေအနေကို သူ့အား သွားကြည့်ခိုင်းသည်။အဖေကိုတော့ တကယ်လက်ဖျားခါမိသည်။ စီးပွားရေးနဲ့ ပတ်သတ်ရင် တကယ် မရဘူး...။ သားဖြစ်သူလည်း မညှာမတာ ခိုင်းရက်သည်။ ဘယ်တတ်နိုင်ပါ့မလဲ...။
သွားဆိုတော့လည်း သွားရတော့မှာပေါ့။ဒါနဲ့ပဲ Companyကို ပြန်ဝင်တဲ့ ပထမဆုံးနေ့မှာတင် ဘူဆန်သွားရမယ်ဆိုတဲ့ ဖခင်ဖြစ်သူရဲ့ ရာဇသံနဲ့အတူ အိမ်ပြန်လာခဲ့ရတယ်။
မနက်ကျ သွားဖို့ရာအတွက် ခုတည်းက အထုတ်ပြင်ထားလိုက်သည်။ ဒါမှ မနက်ကျ အေးဆေးဖြစ်နေမှာ...။
YOU ARE READING
Forget Me Not
Fanfictionငါကိုးကွယ်ခဲ့တဲ့ အချစ်က မင်းတစ်ယောက်တည်း Jeon... မင်းတစ်ယောက်တည်းပဲ ♡1.1.2022-8.4.2022♡