Unicode
"Jimin ပိတ်ရက်ကျ မင်းအိမ်လာနေမယ်ကွာ ရလား"
"သဘောပဲလေ Hoseokဘာဖြစ်လို့လဲ"
"အိမ်နဲ့ ကွိုင်တက်ထားလို့ကွ"
မျက်နှာမသာမယာနဲ့ ပြောလာတဲ့ Hoseokကြောင့် ရာသီဥတုအခြေအနေ မကောင်းခဲ့မှန်း သိလိုက်ရသည်။ Hoseokလို သားလိမ်မာလေးက အိမ်နဲ့ ပြသနာဖြစ်တာ အတော်ရှားပါသည်။ ဘယ်လိုတွေကြောင့်များပါလိမ့်။
ကျောင်းပြီးတာနဲ့ မိန်းမယူဖို့ဆိုလားပဲ။ Hoseokက အေးအေးဆေးဆေး နေချင်သေးတဲ့သူ..။ မိန်းမယူဖို့ ကိစ္စနဲ့ပတ်သတ်ပြီး ခေါင်းရှုပ်နေမှာ အသေအချာပင်။ အိမ်ကို တစ်ခါမှလည်း မလွန်ဆန်ဘူးတဲ့သူဆိုတော့ ပို၍ အခက်တွေ့နေခြင်း ဖြစ်သည်။
"ရတယ် မင်းကြိုက်သလောက်နေ"
"ယေး..ဒါမှ ငါ့ Jiminလေးကွ ဟီးဟီး"
ထိုစဥ် မျက်နှာ မသာမယာဖြစ်နေသူမှာ Hoseokမဟုတ်တော့ဘဲ Jungkookပဲ ဖြစ်သည်။
"Hoseok မင်း ငါ့အိမ်လိုက်နေလှည့်လေ"
Jiအိမ်မှာ Hoseok လာနေမယ့်အရေး တွန့်တိုစွာဖြင့် သူ့အိမ်လိုက်နေရအောင် ခေါ်မိလိုက်သည်။ ဒါကို သကောင့်သားကလည်း နားလည်မှု မရှိ..
"မနေချင်ပါဘူး Jungkookရာ Jiminအိမ်က ဘယ်သူမှမရှိဘူး လွတ်လပ်တယ် မင်းအိမ်ဆို လူကြီးတွေနဲ့ကွ"
"ဒါဆိုလည်း Taehyungဆီ သွားနေကွာ.."
"Jiminအိမ်.. မနေနဲ့လို့ပဲ ပြောလိုက်ပါတော့လား Jungkook"
Hoseokလည်း စိတ်ပေါက်စွာ ပြောမိလိုက်သည်။ အိမ်နဲ့မှ စိတ်ညစ်လာရတဲ့ကြားထဲ Jungkookဆိုတဲ့ကောင်က Jiminကို အူတိုနေသေးသည်။ သူတို့မတွဲခင်ကတည်းက ၄ယောက်သား သူငယ်ချင်းတွေပဲဆိုတာများ မေ့နေလေရောလား။ ခုမှ လာအကဲပိုပြနေတယ်။
Hoseokမျက်နှာ တဖြည်းဖြည်းနဲ့ အနီရောင်ပြောင်းချင်လာပြီမို့ Jiminဝင်ပြောပေးလိုက်ရသည်။ နို့မို့ဆို နှစ်ယောက်သား ရန်ဖြစ်နေတာနဲ့ ပြီးတော့မှာ မဟုတ်..။ Taehyungကလည်း ဘာတစ်ခွန်း ဝင်မပြော..။ပွဲကြည့်သူသာ လုပ်နေသည်။
YOU ARE READING
Forget Me Not
Fanfictionငါကိုးကွယ်ခဲ့တဲ့ အချစ်က မင်းတစ်ယောက်တည်း Jeon... မင်းတစ်ယောက်တည်းပဲ ♡1.1.2022-8.4.2022♡