Unicode
တကယ်တော့ Jiminဆီဝင်လာသော messageတွေဟာ ပုံတွေပါ။
Jeonနဲ့ Jihoရဲ့ ပုံပေါင်းများစွာပေါ့။
ပထမဆုံးပို့လာသောပုံက Partyတွင်းမှာ ပြုံးပျော်နေကြသော သူတို့နှစ်ယောက်ရဲ့ပုံ။
ဒါသေချာပေါက် ဒီနေ့ညပွဲက ပုံပဲ ဖြစ်ရမယ်။
နောက် Partyထဲကထွက်ကာ Jeonကိုယ်တိုင် Jihoကို ကားဆီလိုက်ပို့နေသောပုံ...။
နောက်ထပ်တွေက...
စားသောက်ဆိုင်တစ်ခုမှာ Jeonနဲ့ Jihoတို့ စကားပြောနေကြသောပုံ..။
နေ့လည်စာ စားတုန်းရိုက်ထားတာဖြစ်မည်။
ဒီအပြင် နောက်ထပ်ပုံပေါင်းများစွာတွေလည်း ပို့လာခဲ့ပါသေးသည်။ပို့လာတာက ဒီလောက်ပါပဲ...။ ဒါပေမယ့် သူ ဘာလို့ အရူးတစ်ယောက်လို Jeonဆီ အကြိမ်ကြိမ်ဖုန်းတွေ ခေါ်နေမိလဲ သိကြလား။
သူကြောက်လို့..။ နောက်ထပ်များ Jeon သူ့ကို ထားရစ်ခဲ့တော့မှာလားလို့
အတွေးလေးပေါ်လာရုံနဲ့ သူအရမ်းကြောက်မိလို့။
Jeonနဲ့ ပတ်သတ်ရင် Jimin ကိုယ့်ကိုယ်ကို ယုံကြည်မှု အားနည်းနေပါသေးတယ်။
Jeonနဲ့ပတ်သတ်ရင် အသေးအဖွဲလေးကအစ သူအားငယ်တတ်ပါသည်။ဒါကြောင့် အဲဒါတွေကြောင့်....
သူ Jeonဆီကို မရမက ဖုန်းဆက်နေမိတာပါ။
သေချာတွေးကြည့်ရင် Jeonသူ့ကို ထားရစ်ခဲ့စရာအကြောင်း မရှိဘူးလို့ ထင်နိုင်ပါတယ်။
အရင်ကနဲ့ လုံးဝမတူအောင်ကို Jeonက ပြောင်းလဲသွားခဲ့ပါတယ်။
သူ့ကို ဂရုစိုက်ပေးတယ်။ သူ့ကို စိတ်ပူပေးတယ်။ သူ့ကို သဝန်တိုတတ်နေပြီ။
သူ့ကို ပျော်အောင်ထားပေးတယ်။
ဝေးနေတာတောင်၊ အလုပ်တွေ မအားလပ်နေတာတောင် သူ့ဆီကို အချိန်မှန်ဆက်သွယ်တယ်။
Jeon သူ့ကို ချစ်နေပြီဆိုတာ သံသယဝင်စရာမလိုအောင်ကို Jeonက ချစ်ပြပေးပါတယ်။ဒါဆို ဘာလို့များ ဒီပုံလေးတွေ တွေ့တာနဲ့ တုန်လှုပ်သွားတာလဲလို့ မေးကြမှာပေါ့။
ဒါ Jeonအချစ်ကို မယုံကြည်လို့လည်း မဟုတ်သလို၊ Jeonကို အပြစ်တင်ချင်လို့လည်း မဟုတ်ရပါဘူး။
သူ့ကိုယ်သူ အားငယ်မိလို့ပါ။ သူဟာ Jeonအချစ်နဲ့ တကယ်ထိုက်တန်ရဲ့လား။
Jeonအချစ်တွေကို လက်ခံဖို့ရော အရည်အချင်းရှိရဲ့လား။
သူ့အတွက်ကြောင့်နဲ့ Jeonဝန်ထုပ်ဝန်ပိုး ဖြစ်နေမိမှာတွေ စိုးသလို၊ တစ်ဖက်မှာလည်း Jeonကို လက်မလွှတ်ချင်ဘူး။
Jeonကို ချစ်တယ်။ Jeonကို အပိုင်ရချင်တယ်။
Jeonချစ်တာကိုလည်း လိုချင်တယ်။
YOU ARE READING
Forget Me Not
Fanfictionငါကိုးကွယ်ခဲ့တဲ့ အချစ်က မင်းတစ်ယောက်တည်း Jeon... မင်းတစ်ယောက်တည်းပဲ ♡1.1.2022-8.4.2022♡