Unicode
Jeonရဲ့ကားထဲမှထွက်ကာ ကိုယ့်ကားဆီရောက်အောင် မနည်းစိတ်တင်းပြီး သွားခဲ့ရသည်။ တုန်ရီနေတဲ့ လက်နှစ်ဖက်နဲ့ပဲ ကားကို မဖြစ်ဖြစ်အောင် မောင်းရင်း အိမ်သို့မပြန်သေးဘဲ လမ်းဘေးတစ်နေရာရာမှာ ကားရပ်ရင်း စိတ်ကို ဖြေလျော့ရသည်။
ဒီပုံစံအတိုင်း အိမ်ပြန်သွားလို့ မဖြစ်သေး။ Taehyungရိပ်မိသွားလိမ့်မယ်။ ကိုယ့်အတွက် အမြဲစိုးရိမ်ပေးနေသူ Taehyungကို သူအားနာလှပါပြီ။ နောက်ထပ် ကိုယ့်အပူတွေကို သူ့ဆီ မကူးစက်စေချင်တော့ဘူး။
လမ်းဘေးမှာ ထိုးရပ်ထားတဲ့ အဝါရောင် ကားလေးအတွင်း၌ စိတ်လှုပ်ရှားမှုအပြည့်ဖြင့် မငြိမ်မသက် ဖြစ်နေရသူ တစ်ဦး ရှိနေလေသည်။ ထိုသူကား Jungkookရဲ့ နှင်းဖြူလုံးလေးပဲပေါ့။
Jeon မင်းဘာဖြစ်ချင်နေတာလဲ။ ငါတကယ်ကို မစဥ်းစားတတ်တော့ဘူး။ တစ်ချိန်တုန်းကလည်း မင်းအလိုကျ၊မင်းစိတ်တိုင်းကျ၊ မင်းကို ထွက်သွားခွင့် ပေးခဲ့ပြီးပြီ။ မင်းမကျေနပ်နိုင်သေးဘူးလား။ ငါခုလိုမျိုးထိ တည်ငြိမ်နိုင်အောင် ဘယ်လောက်ထိ ကြိုးစားခဲ့ရလဲဆိုတာ မင်းမသိဘူး။
ငါ့ကို စွန့်ခွာပြီး တခြားနိုင်ငံကို ထွက်သွားတဲ့ မင်းက ၅နှစ်လုံးလုံး အေးအေးဆေးဆေး နေနိုင်ခဲ့ပြီးမှ ခုချိန်ကျမှ ဘာထဖြစ်တာလဲ။
ငါတကယ် မတွေးတတ်တော့ဘူး။ကျေးဇူးပြုပြီး ငါ့ကို ဒီတိုင်းလေးပဲ နေခွင့်ပေးပါတော့။ မဟောင်းသေးတဲ့ အတိတ်ရဲ့ အရိပ်ဆိုးတွေက ခုချိန်ထိတောင် နှောက်ယှက်နေတုန်းမို့။ နောက်ထပ် နာကျင်စရာတွေ ထပ်ပြီး မယူပါရစေနဲ့တော့ ။ ငါတောင်းပန်ပါတယ်။
ကားလေးထဲမှာ တစ်ကိုယ်တည်း အတွေးများနေသူ Jiminရဲ့ ပါးပြင်ထက်မှာ မျက်ရည်ကြည်တို့ တွဲခိုလျှက်..။
ဘယ်လောက်ထိ နာကျင်ရတယ်။ ဘယ်အတိုင်းအတာထိ နာကျင်မိတယ်။ ဘယ်လိုဆိုးဝါးတာတွေ ခံစားခဲ့ရတယ်ဆိုတာကို မင်းက ဘယ်လိုလုပ် နားလည်ပေးနိုင်ပါ့မလဲ။
နာကျင်ခဲ့ရတဲ့သူက မင်းမှ မဟုတ်ဘဲ Jeon...။
YOU ARE READING
Forget Me Not
Fanfictionငါကိုးကွယ်ခဲ့တဲ့ အချစ်က မင်းတစ်ယောက်တည်း Jeon... မင်းတစ်ယောက်တည်းပဲ ♡1.1.2022-8.4.2022♡