Unicode
ကျောင်းပိတ်တဲ့ရက်များကို ဘူဆန်မှာ ကုန်ဆုံးပြီးနောက် ဆိုးလ်သို့ ပြန်လာခဲ့ကြသည်။ဆိုးလ်သို့ ပြန်မလာမီ ဘူဆန်မှာ လည်ပတ်ကြသောအချိန်များတွင် Jiminတို့ရဲ့ ငယ်သူငယ်ချင်းဖြစ်သူ Taeminတော့ မပါဖြစ်ခဲ့ပေ။ အစက သူဦးဆောင်လိုက်ပို့မယ် ပြောထားသော်လည်း Jungkookရဲ့ မလိုလားမှုနဲ့ Taehyungရဲ့ ပါဝင်ထောက်ခံမှုတို့ကြောင့် အားနာနာနဲ့ပဲ Taeminကို လိုက်မပို့ဖို့ရာ ပြောခဲ့ရသည်။
ဘူဆန်သို့ မသွားခင်တုန်းက အခြေအနေနဲ့ ပြောင်းလဲသွားတာလေး တစ်ခုရှိသည်။
အဲဒါကတော့ Jungkookနဲ့ Jiminတို့ရဲ့ ဆက်ဆံရေးပဲပေါ့။ သူငယ်ချင်း မဟုတ်တော့ဘဲ တွဲနေကြတဲ့ အဆင့်ရောက်သွားပြီ။
Jiminပျော်မိပါသည်။ ကိုယ်ချစ်ရတဲ့ သူနဲ့ တွဲနေရတာ ဘယ်သူမပျော်ဘဲ ရှိပါ့မလဲ။Jungkookကရော...ပျော်နေမယ်လို့ပဲ Jiminထင်နေမိသည်။ Jeonကို စချစ်မိတာ သူဆိုပေမယ့် ခုလိုတွဲကြဖို့ အဆင့်ထိ ဖြစ်ခဲ့ရတာ Jeonကြောင့်ပဲ မဟုတ်လား။ သူ့အနေနဲ့သာဆို Jeonကို ဖွင့်ပြောဖို့ထိ တွေးမထားဘူးရယ်။ ဖွင့်ပြောဖို့ထိလည်း သတ္တိမရှိခဲ့ပါဘူး။
Jeonလို မိန်းကလေးများစွာကို ထည်လဲတွဲနေတဲ့သူက သူ့လိုယောက်ျားတစ်ယောက်ကို ချစ်နိုင်ပါ့မလားဆိုတာ သူတွေးမကြည့်ရဲဘူး။ ဒီဘက်ခေတ်မှာ အချစ်ရေးနဲ့ ပတ်သတ်ပြီး ကျား/မ ခွဲခြားမှုတွေ ရှိမနေတော့ပေမယ့် အနည်းအများ ပုပ်ခတ်ချင်သူတွေတော့ ရှိနေသေးတာပဲလေ။
သူ့အတွက်နဲ့ Jeonကို မထိခိုက်စေချင်တာ Jiminရဲ့ စိတ်ရင်းအမှန်ပါ။ Jiminအတွက်က Jeonကိုချစ်နေပြီဆိုတဲ့ အချစ်တစ်ခုတည်းနဲ့ပဲ လုံလောက်တယ်လို့ တွေးထားခဲ့တာပါ။
ခုလို Jeonဘက်က စတင်ဖွင့်ဟပြောလာမှာမျိုး စိတ်ကူးတောင်ယဥ်မကြည့်ခဲ့ဖူးဘူး။ခုတော့ မမျှော်လင့်ထားဘဲ Jeonနဲ့ ချစ်သူတွေ ဖြစ်ခဲ့ကြပြီပေါ့။ အိပ်မက်လား တကယ်လားဆိုတာတောင် သူခွဲခြားရ ခက်နေတုန်းရယ်။ ဒါဆိုရင် ရှေ့ဆက် ပျော်ရွှင်မှုတွေပဲ ရတော့မယ် ထင်ပါရဲ့။
YOU ARE READING
Forget Me Not
Fanfictionငါကိုးကွယ်ခဲ့တဲ့ အချစ်က မင်းတစ်ယောက်တည်း Jeon... မင်းတစ်ယောက်တည်းပဲ ♡1.1.2022-8.4.2022♡