Unicode
တီ...တီ...
မြည်လာသော ဖုန်းသံကြောင့် ခေါင်းသုတ်နေတဲ့လက်တို့ ရပ်တန့်ကာ ကိုင်လိုက်ရသည်။
အရင်က Fallingသီချင်းကို Ringtoneထားခဲ့သော်လည်း ယခုမူ ဘာသီချင်းသံမှ ထားလိုစိတ်မရှိ...။
အရာရာဟာ မဆိုးလွန်းသော အခြေအနေမှာ ရှိနေတာမို့ အရမ်းကြီး Feelပြနေဖို့လည်း မလိုအပ်ဟု Jiminထင်မိသည်။
ဒါကြောင့် ဖုန်းလာလျှင် တီ..တီ..ဆိုသော အသံသာ ကြားရတော့သည်။ခေါ်ဆိုသူ၏ အမည်နာမနေရာ ကြည့်လိုက်မိသော နှလုံးသားတစ်ခု~~~
ဟုတ်တယ်..။ Park Jiminရဲ့ နှလုံးသားတစ်စုံပဲ။
"ပြော Jeon"
"Ji ပြန်မလာသေးဘူးလား...ခရီးသွားတာကလည်း အကြာကြီးပဲ"
"မင်းမှာ အချိန်တွေ သိပ်ပေါနေသလား"
သူမေးမိလိုက်တော့သည်။ ခရီးထွက်လာကတည်းက တစ်နေ့ ၃ခါလောက် အနည်းဆုံး ဖုန်းဆက်သည်။ အကြောင်းပြချက် မယ်မယ်ရရမရှိပါဘဲ ဟိုဟာ ဒီဟာ ရောက်တက်ရာရာပြောပြောပြီးဆို ဖုန်းချသွားတတ်သည်။
Jeon Groupကို တစ်ချိန်မှာ ဦးဆောင်ရမယ့်သူဟာ အလုပ်ပုံထဲ ခေါင်းနှစ်နေတာမျိုးပဲ ဖြစ်သင့်သည် မဟုတ်ပါလား။ ခုတော့ သူ့မှာ အရမ်းတွေများ အားလပ်နေသလားလို့။
Jejuကို ရောက်တာ ၃ရက်လောက်ပဲ ရှိသေးသည်။ ဘယ်လောက်များ ကြာသေးလို့ပါလိမ့်...။ တကယ်ဆို သူနဲ့ကိုယ်ရဲ့ ဆက်ဆံရေးဟာ အဲ့လောက်ထိ မဟုတ်ပါဘဲ...
ဖြစ်နိုင်ရင် ဒီမှာ Hyungနဲ့ ကြာကြာလေး ရှိနေချင်သေးသည်။ Hyungနဲ့နေရတာ သူ့အတွက် လွတ်လပ်ပေါ့ပါးစေသည်။ ပျော်ရွှင်ရသည်။ ကလေးတစ်ယောက်လို အမြဲဦးစားပေးတတ်သည့် Hyungကို သူတကယ်ချစ်ပါသည်။ အစ်ကိုတစ်ယောက်လို ဆရာတစ်ယောက်လို သူငယ်ချင်းတစ်ယောက်လို....Hyungဟာ သူ့အတွက် အရေးပါသော လူသားတစ်ဦး..။
ခုဆို သူဖုန်းဆက်လွန်းအားကြီး၍ Hyungကတောင် မေးနေပြီလေ။ Hyungက Jeonနဲ့ပတ်သတ်ပြီး အနည်းအကျဥ်းတော့ သိထားပြီးသားပါ။ တစ်ချိန်တုန်းက Jiminအလဲလဲ အပြိုပြို ဖြစ်ခဲ့ရခြင်းရဲ့ တရားခံဟာ Jeonဆိုတာလည်း Hyungသိထားသည်။
ခုလည်း Jeonနဲ့ ပုံမှန်ဆက်ဆံရေးမျိုးဆိုတော့ ဘာမှဝင်မစွက်ဖက်ခဲ့..။ ကောင်းသည် ဆိုးသည် ဘာမှမပြော..။
Jiminသဘောကျရာ လမ်းကိုပဲ ရွေးတဲ့..ဒါပဲပြောသည်။
ESTÁS LEYENDO
Forget Me Not
Fanficငါကိုးကွယ်ခဲ့တဲ့ အချစ်က မင်းတစ်ယောက်တည်း Jeon... မင်းတစ်ယောက်တည်းပဲ ♡1.1.2022-8.4.2022♡