Forget Me Not

🖤19🖤

Unicode

*Jeon..*

​နောက်ဆုတ်ဖို့ ​ခြေလှမ်းပြင်လိုက်​ပေမယ့် Jeonက သူ့ဆီကို တစ်လှမ်းခြင်းလှမ်းလာ​နေခဲ့တယ်။ Jeon​ခြေလှမ်း တစ်လှမ်း ​ရှေ့ဆက်လာတိုင်း သူ့ရင်ထဲကအ​ကောင်ကလည်း စည်းချက်မညီမညာနဲ့ ခုန်​ပေါက်လို့ ​နေသည်။

"Ji.."

Jeonနှုတ်ဖျားက ထွက်လာတဲ့ အသံဟာ နာမည်​လေးတင် ဖြစ်ပါ​သော်ငြား သူ့ရင်ကို လှုပ်ခတ်​စေပါ၏။ Jeon​ခေါ်လိုက်သည်နှင့် အိမ်ထဲပြန်ဝင်ရမယ့် ​ခြေလှမ်း​တွေဟာလည်း အလိုလို ရပ်တန့်ပြီးသား ဖြစ်​​နေခဲ့တယ်။ သူထင်​နေတာသာ မမှားဘူးဆိုရင် Jeon​ခေါ်လိုက်တဲ့ သူ့နာမည်​လေးထဲမှာ တိုးဖျဝမ်းနည်းလှိုက်ဖိုမှု​တွေ ပါ​နေမယ် ထင်ပါရဲ့။

ဘာလို့လဲ..။ Jeonဆိုတာ အမြဲ ဝမ်းနည်း​နေတတ်သူမျိုးမှ မဟုတ်တာ။ အရာအားလုံးကို ​ပေါ့​ပေါ့​တွေးပြီး လွတ်လွတ်လပ်လပ် ​နေတတ်တဲ့သူ။ သူ့လိုလူမှာ ဘာဝမ်းနည်းစရာများ ရှိ​နေမှာ မလို့လဲ။

"ကိုယ်..အရာအားလုံးကို သိခဲ့ရပြီ Ji"

"ဟင်.."

ဘာကို သိတာလဲ။ ဘာ​တွေလဲ။ အရာအားလုံးဆို​တော့...မဖြစ်နိုင်တာ။
တစ်​ယောက်တည်း အ​တွေး​ပေါင်းများစွာနဲ့ ​ယောက်ယက်ခတ်​နေတုန်း Jeonက ထပ်​ပြောလာခဲ့တယ်။

"ကိုယ်​တောင်းပန်ပါတယ်..ကိုယ်တကယ်​တောင်းပန်ပါတယ် Jiရယ်..
​တောင်းပန်တယ်ဆိုတဲ့ စကားနဲ့တင် မလုံ​လောက်မှန်း သိ​ပေမယ့် ကိုယ်တကယ်​နောင်တ​တွေ ရ​နေပါပြီ..

Jiကိုလည်း အားနာလွန်းလို့ ကိုယ်ဘာလုပ်​ပေးရမှန်းမသိ​တော့ဘူး

ကိုယ့်အမှား​တွေပါ..အားလုံးဟာ ကိုယ့်အပြစ်​တွေချည်းပါ Jiရယ်"

​ပြောရင်းနဲ့ ဒူး​ထောက်ချပြီး ငို​နေတဲ့ Jeonကိုကြည့်ကာ သူ ​ကျောက်ရုပ်ပမာ ရပ်​နေမိသည်။ Jiminရဲ့ ရင်ထဲမှာလည်း ဗ​လောင်ဆူ​နေပါပြီ။
Jeonရဲ့မျက်ရည်​တွေကို မြင်ရတာ သူ့ရင်ကို အခါခါထိုးနှက်​နေသလိုပဲ နာကျင်ရတယ်။

Jeonမျက်ရည်​တွေဟာ သူ့ရဲ့အားနည်းချက်..။

သူဘယ်​လောက်ထိပဲ ​တောင့်ခံထားပါ​စေ..Jeonမျက်ရည်​တွေကို မြင်ရပြီး​နောက်
အရာအားလုံး Jeonသ​ဘောကျ၊ Jeonစိတ်တိုင်းကျပဲ ဖြစ်​စေချင်​တော့တယ်။
သူ ရူး​နေပြီမလား..။ အဲ့လို ထင်ကြတယ်မလား။