Unicode
Jejuကျွန်းသို့ ရောက်ရှိသည်နှင့် တစ်ပြိုင်နက် တည်းခိုရမယ့် ဟိုတယ်မှာ အထုပ်ထားပြီး လည်ပတ်ဖို့ရန် ထွက်လာခဲ့ကြသည်။ ဆိုးလ်မြို့နှင့်ကွာခြားစွာပဲ လတ်ဆတ်တဲ့လေကို တဝကြီးရှူရှိုက်လိုက်ရသဖြင့် စိတ်ကြည်လင် လန်းဆန်းသွားခဲ့သည်။
"Hyung...ညနေကျ ရေထဲဆင်းကြမလား"
ကလေးဆန်ဆန် ရေထဲဆင်းဖို့ မေးလိုက်သော မေးခွန်းကို ရေခဲတုံးကြီးကလည်း ပြုံး၍ ပြန်ဖြေလာခဲ့သည်။
"Jiminဆင်းချင်ရင် ဆင်းကြမယ်"
ဒီလိုမျိုး Hyungဆီက အလိုလိုက်မှုလေးတွေကိုလည်း ရရှိပါသေးသည်။
"အားးးး လန်းဆန်းသွားတာပဲ "
လေကို တဝကြီးရှူပြီး လက်နှစ်ဖက်ကိုဆန့်ကာ လန်းဆန်းသွားတဲ့ ပုံစံလုပ်နေတာကို Yoongiတစ်ယောက်ကတော့ ပြုံးပြုံးကြီး ကြည့်နေလေသည်။
"ကျွန်တော် Jejuကို မရောက်ဖြစ်ဘူးဗျ
Hyungကျေးဇူးနဲ့မှပဲ ရောက်တော့တယ် ဟီး.."ရယ်မောပျော်ရွှင်စွာ ပြောပြနေသောJiminရဲ့ ပုံစံသည် ကိုယ်လုပ်ချင်သည့်အရာကို လုပ်လိုက်နိုင်သည့် ကလေးတစ်ယောက်ပုံစံနှယ် ချစ်စရာကောင်းလွန်းလှသည်။
အဝါရောင်ကို မြတ်နိုးလှသည့် Jiminသည် ခုလည်း အဝါရောင် ရှပ်လက်တိုနှင့် အဖြူရောင် ဂျင်းဘောင်းဘီအတိုလေးကို တွဲဖက်ဝတ်ဆင်ထားသည်မှာ ဆယ်ကျော်သက်လေးအလား ထင်ရလောက်အောင် နုနယ်လွန်းပေသည်။
ဘေးက Yoongi Hyungကလည်း ဝတ်ဆင်ထားသည့် အပွင့်အခက်ပါသော လိမ္မော်ရင့်ရင့် လက်တိုအင်္ကျီလေးရယ် အနက်ရောင် ဘောင်းဘီတိုလေးရယ်က ဖြူဖွေးလှသည့် အသားအရေနဲ့ ပနံသင့်စွာ ရှိလှသည်။
နှစ်ယောက်လုံးကိုကြည့်လိုက်ရင် Jejuကို Relaxလုပ်ဖို့ သပ်သပ်လာရောက်မှန်း တန်းသိသာနေသည်မှာ သူတို့ရဲ့ ပုံစံတွေကြောင့်ဆိုတာ မြေကြီးလက်ခပ်မလွဲပေ။
ညနေအချိန်ကျရောက်လာတော့ ရေကစားဖို့ရန်အတွက် Jiminတို့ အသင့်ဖြစ်နေခဲ့သည်။ Jiminရဲ့အလိုကို လိုက်ဖို့ရန်အတွက် Yoongiကလည်း Readyဖြစ်နေပြီ ဖြစ်သည်။
YOU ARE READING
Forget Me Not
Fanfictionငါကိုးကွယ်ခဲ့တဲ့ အချစ်က မင်းတစ်ယောက်တည်း Jeon... မင်းတစ်ယောက်တည်းပဲ ♡1.1.2022-8.4.2022♡