Unicode
မနက်ခင်း နေခြည်ဖျဖျဟာ အခန်းတွင်းသို့ ချဥ်းနင်းဝင်ရောက်လာခဲ့သည်။ Jungkookအတွက်တော့ နိုးထခဲ့ရတဲ့ မနက်ခင်းများစွာထဲမှ ဒီမနက်ခင်းဟာ အတော်လေးကို ပြီးပြည့်စုံပြီး ကျေနပ်နှစ်လိုဖွယ် ကောင်းလွန်းလှသည်။
ထိုသို့ဖြစ်ရခြင်းဟာလည်း ရင်ခွင်ထဲက အလှတရားလေးကြောင့်ဆိုရင် အမှန်ဆုံးသော စကားဖြစ်ပေလိမ့်မည်။သူ့ရဲ့ မနက်ခင်းတိုင်းကို ဒီလိုသာ နေ့တိုင်း နိုးထခွင့်ရမယ်ဆိုရင် နေ့ရက်တိုင်းဟာ ပျော်ရွှင်မှုအပြည့်၊ အင်အားအပြည့်ဖြင့် ဖြတ်သန်းနိုင်မှာ သေချာပါသည်။
ရင်ခွင်ထဲက အကောင်ပေါက်သေးသေးလေးရဲ့ အလှတရားတွေကို တစိမ့်စိမ့်ကြည့်ရင်း ရင်ထဲမှာ ကြည်နူးမှုလှိုင်းလေးတွေဟာ အတိုင်းအဆမရှိ ဖြတ်သန်းသွားရသည်။ညက အတော်လေး ပင်ပန်းသွားခဲ့ရတဲ့ ချစ်ရသော နှင်းဖြူလုံးလေးကတော့ ခုထိ အိပ်မက်ကမ္ဘာထဲမှာ ပျော်မွေ့နေတုန်းထင်ပါရဲ့။
ဒီလူသားလေးကို ညက အပိုင်ရနိုင်ခဲ့တာဟာ
သူ့အတွက်ဆုလာဘ်တစ်ပါးပါပဲ။
ကမ္ဘာပေါ်မှာ ကံအကောင်းဆုံးလူသား Jeon Jungkookပေါ့။ဒီတစ်ခါတော့ ကိုယ့်ရဲ့အချစ်တွေအတွက် စိတ်ချထားလိုက်ပါ Ji...
*...ချစ်တယ်...*
မနိုးသေးသော လူသားလေးအား Morning Kissအနေနဲ့ နဖူးလေးကို ဖွဖွအနမ်းပေးလိုက်သည်။ ထိုမှတဆင့် ပါးအိအိလေးကို မွှေးကြူချင်စိတ်ထပ်တိုးလာ၍
ပါးအိအိလေးနှစ်ဖက်ကိုလည်း မြတ်နိုးခြင်းအနမ်းများ ပေးအပ်လိုက်သည်။
ဒီနောက် ထပ်ဆောင်း၍ အပိုအနမ်းလေးအဖြစ် ရဲကြွနေသော နှုတ်ခမ်းလေးဆီသို့
အခစားဝင်လိုက်တော့သည်။နိုးမသွားစေရန် ဖွဖွလေးနမ်းလိုက်မည်ကြံသော်ငြား Jiရဲ့ ဂျယ်လီအိအိနှုတ်ခမ်းလေးကိုထိပြီးရင် တခဏလေးနဲ့ လွှတ်မပေးနိုင်တာဟာ ဘယ်လိုတပ်မက်မှုမျိုးပါလိမ့်။
နှင်းဖြူလုံးလေး အနည်းငယ်လှုပ်ရှားလာမှပဲ စိတ်ကို ထိန်းကာ နှုတ်ခမ်းလေးအား လွတ်မြှောက်ခွင့် ပေးလိုက်ရသည်။
YOU ARE READING
Forget Me Not
Fanfictionငါကိုးကွယ်ခဲ့တဲ့ အချစ်က မင်းတစ်ယောက်တည်း Jeon... မင်းတစ်ယောက်တည်းပဲ ♡1.1.2022-8.4.2022♡